ئەم کاروانە هەتا هەڵاتنی خۆری ئازادیی نیشتمان، بێوچان بەدەوام دەبێ بەیاننامەی پارتی ئازادیی کوردستانPAK | نوێنەرایەتی ئوروپا پارتی ئازادیی کوردستان
ئەم کاروانە هەتا هەڵاتنی خۆری ئازادیی نیشتمان، بێوچان بەدەوام دەبێ بەیاننامەی پارتی ئازادیی کوردستانPAK

بنیات و بنەما فکرییەکانی دامەزرانی پارتی ئازادیی کوردستان، گەڕاندنەوەی جووڵانەوەی سیاسی کوردستان بۆ رەسەنایەتی لە ناسنامە، ئامانج، ئاڵا و هێما و ئەدەبیات و پڕۆژەی سیاسیی بوو.
ئا بەم فەلسەفەیەوە بوو کە پارتی ئازادیی کوردستان، ٢٧ ساڵە ئاڵای کوردستان و کوردستان تەوەریی دەشەکێنێتەوە،؛ خوێندنەوەی ئێرانچیانە لە مێژووی رۆژهەڵاتی کوردستان و دەوڵەتی جمهوری کوردستان رەت دەکاتەوە؛ بەربەرەکانێی فیکری و پراکتیکی لە گەڵ بیر و سیاسەت و هێزی ئێرانچی دەکا؛ حەولی دێموکراتیزەکردنی دەوڵەتی داگیرکەر و چارەسەریی پرسی کورد لە چوارچێوەی ئێراندا بە بێئاکام و هەدەردانی وزەی کورد دادەنێ و خوێن و خەباتی لە پێناو کۆتاییهێنان بە سەروەریی تاران لە سەر کوردستان و هەڵتەکاندنی تەوقی سنوورە دەسکردەکان و گەیشتن بە سەربەخۆیی و دەوڵەتی نەتەوەییە.

ئەمڕۆ پاش ٢٧ ساڵ خەبات و قوربانیدان، سەرەڕای بەربەستی زۆر و کەڵەکەبوونی کولتوری سیاسیی ئێرانچێتی لە کوردستان ، شەقڵی پارتی ئازادیی کوردستان بە بزووتنەوەی رزگاریخوازیی رۆژهەڵاتی کوردستانەوە دیارەو وەک چرایەکی بەشەوق دەدرەوشێتەوە.
لە کارنامەی خەباتی پارتی ئازادیی کوردستاندا، بێجگە لە داهێنانە فیکری و سیاسییەکان و بێجگەلە نەبەردە هەرگیز لە یادنەچووەکانی لە گەڵ سوپای داگیرکەری تاران لە سەر خاکی رۆژهەڵات؛ شانازیی گێڕانی رۆڵی مێژوویی لە تێکشکاندنی ئەفسانەی داعش و بەرەنگار بوونەوەی هێرشی سوپاکانی تاران و بەغدا بۆ داگیرکردنی هەولێری پایتەختی باشووری کوردستانی، تۆمار کراوە.
ئەم گوتار و ئامانج و ستراتیژ و پراکتیک و مێژووە، پارتی ئازادیی کوردستانی کردوەتە پارتێکی خاوەن ناسنامە وپەیام و بەرهەمهێنەری بەها بەرزەکان و سەرمایەیەکی سیاسی- سەربازی بۆ رۆژهەڵاتی کوردستان.
ئەم کاروانە هەتا هەڵاتنی خۆری ئازادیی نیشتمان، بێوچان بەدەوام دەبێ.

سڵاو لە دامەزرێنەری شەهیدی پارتی ئازادیی کوردستان، رچەشکێنی رێبازی ئازادیی و سەربەخۆیی
شەکاوە بێ ئاڵای خەباتی پارتی ئازادیی کوردستان لە پێناو دەوڵەت و سەربەخۆیی کوردستاندا

پارتی ئازادیی کوردستانPAK
٣٠ گوڵانی ٢٧١٨
٢٠ مای ٢٠١٨

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

دەتوانی ئەو تاگ و خەسڵەتانە HTML بەکاربێنیت: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>