(به‌ره‌و مانگرتنی گشتیی له‌ كوردستان ) لێدوانی وته‌بێژی سیاسییPAK سه‌باره‌ت به‌ كاره‌ساتی ره‌قبوونه‌وه‌ی دووبرای كۆڵبه‌ر

بەداخەوە لە چەند ڕۆژی ڕابردوودا ژمارەیەک کۆڵبەرو کاسبکاری کورد لە نێویاندا دوو برای مێرمنداڵ “ئازاد و فەرهاد خه‌سره‌ویی”دانیشتووی شاره‌دێی “نێ” ی مه‌ریوان لە كاتی كۆڵبه‌رییدا له‌ ناو به‌فر و سه‌رمای شاخه‌كاندا رەقهەڵاتن و بوونه‌ شه‌هیدی دابینكردنی نان.
پیرو لاوان و منداڵانی کورد ، له‌ پێناو پەیداکردنی نان و بژێوی ژیان، ڕێگای سەختی کۆڵبەری دەگرنەبەرو له‌ به‌ر سەرماو سەختیی چیاو دۆڵه‌كان و هاوکات دەستڕێژی چه‌كی هێزە داگیرکەرەکانی به‌رفه‌رمانی تاران، گیان و ژیانیان له‌ به‌ر هه‌ڕه‌شه‌ی مه‌رگدایه‌.

ئەمە لەکاتێکدایە كه‌ كوردستان ده‌وڵه‌مه‌نده‌ به‌ سامانی سرووشتی و ئه‌گه‌ر بنده‌ست نه‌باو تاران به‌تاڵانی نه‌بردبا و سه‌ربه‌خۆ و ئازاد بایه‌ ، هەرگیز ئەوە ژیان و چارەنووسی خەڵکی کوردستان نەدەبوو .هەموو ئەو کارەساتانە ئاكامی داگیركراوی كوردستان و له‌ نه‌هامه‌تییه‌كانی سه‌روه‌ری ئێرانه‌ به‌سه‌ر كوردستاندا.
پارتی ئازادیی کوردستان، داخ و كه‌سه‌ر و هاوخه‌می خۆی بۆ مه‌رگی كاره‌ساتباری شه‌هیدانی نان: ئازاد و فه‌رهاد خه‌سره‌وی، راده‌گه‌یه‌نێ و دەگەڵ بنه‌ماڵه‌ وكه‌سوكاره‌كه‌یان و خەڵکی شارەدێی نێ و شاری مه‌ریوان هاوخەمیی دەردەبڕێ.
پارتی ئازادیی كوردستان پێیوایه‌ نابێ ئه‌م رووداوه‌ به‌ بێ ده‌نگیی تێپه‌ڕ ببێ و نابێ ده‌وڵه‌تی داگیركه‌ر بێ عاره‌ق لێی ده‌رپچێت. پێویسته‌ پرسه‌ و ماته‌مینی ئازاد و فه‌رهاد بگوێرێته‌وه‌ بۆ مانگرتنی گشتیی له‌ كوردستان.مانگرتنێكی گشتیی لانیكه‌م ده‌توانێ، ره‌فتاری تاران له‌ حاست، توێژی كۆڵبه‌ران بگۆڕێت.
پارتی ئازادیی كوردستان سڵاوی خه‌بات و كۆڵنه‌دان پێشكه‌شی خەڵکی مەریوان و هەورامان و شاردێی نێ دەکا کە ئەمڕۆ به‌ سرودی ئەی رەقیب و به‌ دروشمی مەرگ بۆ دیکتاتۆر، بەخاکسپاردنی شه‌هیدانی نانیان كرده‌، ڕاپەڕینێکی دیکە.

سڵاو لە شه‌هیدانی نان
بژی ئیرادەی یەکگرتووی خەڵکی کوردستان

خه‌لیل نادری
وته‌بێژی سیاسیی پارتی ئازادیی كوردستان

29ی سه‌رماوه‌زی 2719ك
20ی دیسامبری2019ز

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *