بۆ بەڕێز: رێکخراوی گشتی نەتەوەیەکگرتووەکان رێکخراوی پاراستنی مافی مرۆڤ سەرجەم و رێکخراوەکانی مافی مرۆڤ سەرجەم لایەنە پێوەندیدارەکان

لەم رێگەیەوە نوێنەرایەتی ئوروپای پارتی ئازادیی کوردستان PAK، هەموو لایەک ئاگادار دەکاتەوە کە بنەماڵەی “شەهید ناسر حەیدەرئابادی”، شەهیدی پارتی ئازادیی کوردستان کە ساڵی 1996 بەدەستی تێرۆریستانی کۆماری ئیسلامیی لە شاری سلێمانی لە باشووری کوردستان تێرۆرکرا، ئێستا لە شاری وان لە تورکیا لەژێر گوشارێکی زۆری وەزارەتی ئیتلاعاتی کۆماری ئیسلامی دان.

ئەو گوشارانە لە ماوەی چەند رۆژی رابردوودا پتر پەرەیان سەندووە، بەشێوەیەک کە لە رێی تۆڕە کۆمەڵایەتییەکا، موبایل و بەرنامەکانی پێوەندیی هەڕەشەی کوشت و تەنانەت رفاندن و بردنەوەیان بۆ ئێران لێدەکردێ.

هەروەها بەپێی ئەو دەنگۆیانەی ئێستا لە شاری وان بڵاوبوونەتەوە، کۆماری ئیسلامیی نزیک بە چوار پەنابەری کوردی رۆژهەڵاتیان کە سەرجەمیان سیاسی و سەربە پارتەکانی رۆژهەڵاتن رفاندندووە، بەڵام تا ئێستا هیچ سەرچاوەیەک ئەمەی پشتڕاست نەکردووەتەوە.

هەر بۆیە لەم رێگەیەوە هەموو لایەک ئاگادار دەکەینەوە کە بەهانای ئەم بنەماڵە شەهیدەوە بچن و لە هەر کارەساتێکی نەخوازراو بیانپارێزن، ئەوەش تەنیا بە دەربارزکردنیان بۆ وڵاتی سێهەم دەکرێ.

بەڕێزەوە

نوێنەرایەتی ئورووپای پارتی ئازادیی کوردستان PAK

30رێبەندانی 2717

20فێورییەی 2018 

Kurdistan Freedom Party Representation in Europe

info.pak_europa@yahoo.com - info.pak.europa@gmail.com

Tel Fax:0031263252157 Mobil:0031641693364

 www.pak-eu.com

https://www.facebook.com/pakeucom/

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

دەتوانی ئەو تاگ و خەسڵەتانە HTML بەکاربێنیت: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>