بەرێوەچوونی خۆپێشاندانێک لە هۆڵه‌ند

سه عات 13:00 رۆژی چوارشەممە رێکەوتی 21ی خەرمانانی 2718 12/ ی سێپتامبری 2018 لە شاری دێنهاخی وڵاتی هولەند لە بەر دەرگای بالوێزخانەی ئێران بە مەبەستی ئیدانە و پرۆتستۆ کردنی ھێرشی تیرۆریستیانەی کۆماری سێدارەی ئێران بۆ سەر بنکە و بارەگاکانی (حیزبی دێموکراتی کوردستان) و (حیزبی دێموکراتی کوردستانی ئێران) و ھاوکات لە سێدارەدانی بەندکراوی سیاسیی کورد بەڕێوەچوو,

خۆپێشاندەران بە زمانی کوردی،فارسی و هولەندی دروشم و وتاریان دژی کۆماری سێدارە و ئیدانەکردنی کردەوە چەپەڵەکانی ئەو ڕژێمە و ھاوکات داواکردن لە کۆمەڵگای نێونەتەوەیی و ناوەندەکانی داکۆکیکار لە مافی مرۆڤ بۆ وەدەنگ ھاتن و لە قاودان و ئیدانەکردنی کردوە دژە مرۆییەکانی کۆماری سێدارەی ئێران، دەکوتەوە.ھێژای ئاماژە پێکردنە کە ئەندام و لایەنگرانی (پارتی ئازادیی کوردستان PAK) به ئاڵاى كوردستان و وێنەی شەهیدان چالاکانە لە خۆپێشاندانەکەدا بەشدار بوون و پەیامی PAK لە لایەن خاتوو چیمەن نەقشبەندی ئەندامی مەجلیسی گشتی و بەرپرسی کۆمیتەی رێکخستنی هولەند خوێندرایەوە.
(لە پەیامەکەدا هاتبوو
لێدوانی وتەبێژی سیاسیی پارتی ئازادیی کوردستان سەبارەت بە لێدانی بارەگاکانی حیزبی دیموکرات لە کۆیە
لەدرێژەی تیرۆر و دەستدرێژییەکانی دەوڵەتی داگیرکەری ئێران بۆ سەر نەتەوەی کوردو بزووتنەوە ئازادییخوازییەکەی ، کاتژمێر 10:45 رێکەوتی 8/9/2018 بنکەو بارەگاو شوێنی نیشتەجێبوونی بنەماڵە و پێشمەرگەکانی حیزبی دیموکراتی کوردستان و حیزبی دێموکراتی کوردستانی ئێرانی بۆردومان کرد.بە داخێکی زۆرەوە، لە ئاکامی ئەو هێرشەدا ژمارەیەک لە تێکۆشەرانی هەر دوو لایان، شەهیدو برینداربوون.
ئەو پەلامارەی دەوڵەتی تاران هاوکات بوو لەگەڵ لەسێدارەدانی سێ رۆڵەی نەتەوەکەمان : رامین حسێن پەناهی ، زانیار و لوقمان مورادی.
پارتی ئازادیی کوردستان بە توندی ئەو تاوان و پەلامارە مەحکوم دەکاو بە نیشانەی پەلەقاژێ و بێ دەرەتانی سیاسیی تارانی دەزانێ. ئێمە داوا لە کۆمەڵگەی نێودەوڵەتی و ناوەندە بریاربەدەستەکانی جیهان دەکەین بێوەڵام و هەڵوێست نەبن بەرامبەر ئەو دەستدرێژییە.
هاوکات وێڕای دەربرینی هاوخەمی لەگەڵ هەر دوو لایەنی حیزبی دێموکراتی کوردستانی ئێران و حیزبی دێموکراتی کوردستان و بنەماڵەی شەهیدو بریندارەکان، ئامادەیی پارتی ئازادیی کوردستان بۆ بەرپەرچدانەوەی هاوبەش و پوچەڵکردنەوەی پیلانگێڕی و پەلامارو کردەوەتیرۆریستیەکانی تاران دەردەبرین.هەروەها رادەگەێنین کە: درگای بنکەو بارەگاو شوێن و رێگاکانمان ئاواڵە و لەسەر پشتە بۆ پێشوازی و حەواندنەوەی ئەو خێزان و بنەماڵانەی دیموکرات کە لە ئاکامی ئەو بۆردومانەدا ، ئاوارەبوون .
هەر لێرەوە،هاوخەمیی و داخ و کەسەری خۆمان پێشکەشی بنەماڵەکانی حسەینپەناهی و موردای دەکەین، بۆ لەسێدارەدرانی رۆڵەکانیان.
وتەبێژی سیاسی
پارتی ئازادیی کوردستان)
———————————————
پارتی ئازادیی کوردستان
کومیته ی ڕیکخستنی هوله ند
22ی خەرمانانی 2718
13/ ی سێپتامبری 2018
Kurdistan Freedom Party
Holland Committee
nl_pak@yahoo.com
nl.pak1@gmail.com
Mobil:0031620074245

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

دەتوانی ئەو تاگ و خەسڵەتانە HTML بەکاربێنیت: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>