بەشداریی پارتی ئازادیی کوردستان لە ڕێوڕەسمی 25 هەمین ساڵیادی ڕاگەیاندنی حزبی شیوعی کوردستان

ڕۆژی شەممە ڕێکەوتی 30/6/2018 لە هۆڵی پێشەوا لە شاری هەولێر ڕێوڕەسمێک بەبۆنەی 25 هەمین ساڵیادی ڕاگەیاندنی حزبی شیوعی کوردستان و یەکەمین ساڵڕۆژی کۆچی دوایی هاوڕێ عەزیز محمەد بەڕێوەچوو..لەسەر بانگهێشتی مەکتەبی سیاسی حزبی شیوعی شاندێکی پارتی ئازادیی کوردستان بە سەرپەرشتی هەڤاڵ خەلیل نادری وتەبێژی سیاسیی پارتی ئازادیی کوردستان بەشدارییان لە ڕێوڕەسمەکەدا کرد

و پەیامی پیرۆزبایی و قەدرگرانی پارتی ئازادیی کوردستانیان بەو دوو بۆنەیەوە ئاراستەی حزبی شیوعی و لیژنەی بەڕێوەبەریی ڕێوڕەسمەکە کرد.
لە پەیامی PAK دا هاتبوو وێڕای پیرۆزبایی بەبۆنەی ساڵیادی ڕاگەیاندنی حیزبی شیوعی دەورو هەڵوێستی شیوعیەکان و هاوکاریی و پێوەندیی ئەو حزبە دەگەڵ بزووتنەوەی ڕزگاریخوازیی کورد لە ڕۆژهەڵاتی کوردستان بەرزدەنرخێنین و ڕێزدەگرین لە یادی کۆچی هاوڕێ عەزیز محەمەدی سەرکردە کە هەموو ژیانی تەرخانی خەبات لە پێناوی ئازادیی و یەکسانی دا کرد.
لە بەشێکی دیکە پەیامەکەی پارتی ئازادیی کوردستاندا پێ لەسەر درێژەدانی پێوەندی دۆستانەی pak و حزبی شیوعی کوردستان داگیرابوویەوە و هیوای سەرکەوتن و دەوری زیاتری حیزبی شیوعی لە کوردستان خواسترابوو.
کومیتەی ڕاگەیاندن
پارتی ئازادیی کوردستان
10 پووشپه‌ڕی 2718
1جوولای 2018

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

دەتوانی ئەو تاگ و خەسڵەتانە HTML بەکاربێنیت: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>