بەشداریی کۆمیتەی ڕێکخستنی(پاک) لە نۆروێژ لە یادی دامەزرانی کۆماری کوردستاندا!

ئێوارەی رۆژی هــــەینی (29ی بەفرانباریساڵی 2717ی کوردی) هاوکات لەگەڵ 19ی ژانوییەی ساڵی2018ی زایینی له‌ شاری “ئــــــۆسلۆ”ی پێتەختی وڵاتی نــــۆروێژ، رێوره‌سمێك به‌بۆنه‌ی (دووی رێبه‌ندان) یادی حەفتا و دوھەمین ساڵه‌ی دامه‌زراندنی کۆماری کوردستان، به‌ڕێوه‌چوو.
له‌ ڕێوڕەسمەکەدا ژماره‌یه‌كی بەرچاو له‌ کوردانی دانیشتووی شاری ” ئۆسلۆ” و شار و ناوچه‌کانی ده‌وروبه‌ری،

هه‌روه‌ها ژماره‌یه‌ك له‌ نوێنه‌ری چه‌ندین رێکخراو و حیزبی سیاسیی و مه‌ده‌نی کوردستانیی و نـــۆروێژی به‌شدارییان کرد و رێزیان له‌ حەفتاو دوھەمین ساڵیادی دامه‌زراندنی یه‌که‌مین کۆماری کوردستان به‌ رێبه‌رایه‌تیی پێشه‌وای شه‌هید، قازیی موحه‌ممه‌د، گرت.
به‌وه‌ش ئه‌مه‌گ و وه‌فاداریی خۆیان به‌ رێبازی کۆمار و پێشه‌وا و شه‌هیده‌کانی دیکه‌ی ئه‌و کۆماره‌ جوانه‌مه‌رگه‌ ده‌ربڕی.
له‌سه‌ر بانگهێشتی فەرمی کومیته‌ی نۆروێژی حیزبی دێموکڕاتی کوردستان ئێران، که‌ به‌ڕێوه‌به‌ر و هه‌ڵسووڕێنه‌ری مه‌راسیمه‌که‌ بوو، شاندێکی کومیته‌ی نۆروێژی پارتی ئازادیی کوردستان بە سەرپەرشتی ھاوڕێ ڕێبوار ئەحمەدزادە بەرپرسی کۆمیتەی ڕێکخستنی (پاک) لە نۆوروێژ، به‌شدار بون و بروسکەی پیرۆزبایی و ڕێز و پێزانینیان پێشکەش بە هەڵسووڕێنەر و بەشداربووانی ڕێوڕەسمەکە کرد.
پارتی ئازادیی کوردستان
کۆمیتەی رێکخستنی نۆروێز
2 رێبه‌ندانی2717
22 ژانویه‌ی 2018
Kurdistan Freedom Party
NO. Committee
TEL:004796710976
pak.no_hevkari@yahoo.com
www.pak-eu.com

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

دەتوانی ئەو تاگ و خەسڵەتانە HTML بەکاربێنیت: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>