بەشداریی PAK لە کۆبوونەوەیەکیKNK

سەعات 14:00ی رۆژی هەینی 4ی مانگی جۆزەردان2718ی کوردی 26 ی ئۆکتۆبری 2018ی زایینی
، لەشاری باریلۆی وڵاتی هولەند، کۆنگرە نەتەوەیی کورستان، کۆبوونەوی بۆ راوێژی نەتەوەیی رێکخست.
لەسەر بانگیشتی KNK، شاندێکی پارتی ئازادیی کوردستان پێکهاتوو لە هەڤاڵان خاتوو چیمەن نەقشبەندی رێژوان هەورامی نێچیرڤان ئەقدەسی بەشداریی لە کۆبوونەوەکەدا کرد.

لە کۆبوونەوەکەدا نوێنەرانی زۆربەی لایەنە بەشدارەکان پەیامی خۆیان خوێندەوە.
لە بڕگەیەکی کۆبوونەوەکەدا، خاتوو چیمەن نەقشبەندی ئەندامی مەجلیسی گشتیی PAK، پەیامی نوێنەرایەتی ئورووپای پارتی ئازادیی کوردستانی پێشکەشکرد.لە پەیامەکەدا هاتبوو
بەڕێزان کۆنگرەی نەتەوەیی کوردستان KNK
بەشدارانی کۆبوونەوەی راوێژی نەتەوەیی
سڵاو و رێز
پارتی ئازادیی کوردستان پێزانینی هەیە بۆ هەموو ئەو ئۆرگان و ناوەندو کەسایەتی و لایەنانەی دڵسۆزانە تێدەکۆشن لە پێناوی یەکریزی نێوماڵی کوردو یەکگرتن و یەکێتی نەتەوەیی، هەوڵەکانی KNK لە رێگای بەستن و بەڕێوەبردنی کۆروکۆنفرانس و راوێژی نەتەوەیی بەرز دەنرخێنین و هەردەم بەپیری داواو بانگهێشتی هەموو تاک و کۆی کوردستانەوە چوین کە بانگەوازی یەکگرتن و یەکریزیی هێزەسیاسیەکان و رۆڵەکانی نەتەوەی کوردیان کردووە…لەراونگەی ئێمەشەوە یەکێتی و تەبایی کوردو بزوتنەوە ئازادییخوازییەکەی دەتوانێ دەستەبەری ئازادیی و سەربەستی گەیشتنی کورد بە مافی دیاریکردنی چارەنوس بکا.
پارتی ئازادیی کوردستان هەر لەدامەزراندنیەوە داوای بەستنی کۆنگرەی نەتەوەیی کوردی کردووەو لەیەکەم بەیاننامەیدا پێویستی پێکهێنانی بەرەی کوردستانی لەرۆژهەڵاتی کوردستان و هاوکاریی و هاوخەباتی لەنێوان هێزەسیاسیەکانی هەرچواربەشی کوردستانی خستوەتەڕوو…لەو ماوەیەشدا گەلێ بانگهێشت و بانگەوازی ئاراستەی پارت و هێزەسیاسییەکانی کوردستانی گەورە کردووە و بە پەرۆشەوە بەپیری داواو داوەتی هێزو لایەنەکانی ترەچووە و هەنگاوی جددی بەرەو ئەو ئاراستە هەڵگرتووە.
لەڕوانگەی ئێمەوە ئێستا وێرای پەرتەوازەیی سیاسی و بەئەنجام نەگەیشتنی هەوڵەکان بۆ یەکێتی و یەکریزی…بەگشتی دەتوانین بڵێن بەخۆشییەوە کورد وەک نەتەوەو کۆمەڵانی خەڵکی کوردستان یەکریزو هاودەنگی و یەکبوونیان پێشانداوە..کارەساتەکانی سروشتی کرماشان و کوشتاری کوردان لە کۆبانێ و عەفرین و رووداوەکانی کەرکوک و چالاکییەکانی رۆژهەڵاتی کوردستان لەدژی کوشتنی ژینگەپارێزان و مانگرتنی خەڵک دژی موشەک باران و تاوانەکانی دەوڵەتی داگیرکەری تاران…ئەوەیان سەلماند کە خەلک یەکگرتوو و یەکریزو پیشەنگن…ئەوەی ناتەباو پرش و بڵاوە هێزە سیاسییەکانن..کە ئەو نایەکگرتووی و نەبوونی ئۆرگان و بەرەیەکی سیاسی رۆڵەکانی نەتەوەی کوردی بێ هیواو نیگەران کرددوەو بەداخەوە حیزبە سیاسییەکان لە ئاستی چاوەڕوانی و خواستەکانی خەڵکی کوردستاندانین.
پارتی ئازادیی کوردستان، وەک هێزی کوردستانی کە خۆی بە حیزبی پرسی کورد دەزانێ و ئێرانچێتی و دواتریش پارچەگەرێتی رەددەکاتەوەو پێی وایە دەبێ کورد وەک یەک نەتەوە لە رۆژهەڵاتی ناوەراست خۆی دەربخاو یەک وتاریی هەبێ..ئامادەی دیالۆگ و هەنگاو هەڵگرتنەوە گفتوگۆیە دەگەڵ هەموو پارت و لایەنە سیاسییەکانی کوردستانی گەورە..یەکخستنی بزووتنەوەی رزگاریخوازیی کوردستان و هێزەسیاسییەکانی بە گرنگ دەزانی بۆ گەیشتنی کورد بە سەروەری سیاسی و ئازادیی و پێکەوەنانی دەوڵەت و کیانی سەربەخۆ..لەرێگای چەسپاندن و دەستەبەری مافی دیاریکردنی چارەونووس..واتە تاکی کورد خۆی بریار لە چارەنوسی سیاسی و نەتەوەیی خۆی بدات نەک حیزبەکان بۆی دیاری بکەن..بەپشت بەستن بەو روانگەوە PAK دروشم سیستمەکانی ئۆتۆنۆمی و فیدرالیزم و دیموکراسیەتی رێژیم و دەوڵەتانی داگیرکەر رەد دەکاتەوە…پێ لەسەر گەراندنەوەی مافی بڕیاردان بۆ خەڵک لە رێفراندۆمێکی ئازادانەدا دەدەگرینەوە.
لە پێوەندی بەرۆژهەڵاتی کوردستان پاک پێکهێنانی بەرەیەکی یەکگرتووی کوردستانی و یەکخستنی هێزی پێشمەرگەی هاوبەش و دامەزراندنی دەگای ئاسایش و دیپلۆماسی بەگرنگ و پێویست دەزانێ و خواست و چاوەڕوانییەکانی رۆڵەکانی نەتەوەی کوردە لە رۆژهەڵاتی کوردستان..
پارتی ئازادیی کوردستان لە 27ساڵی رابردوودا گەلێ هەنگاوی لەو پێناوەدا هەڵگرتووە و بانگەوازی ئێمە بۆ هاوکاری و چێکردنی بەرەی کوردستانی بووەو بەپیری بانگهێشتی لایەنەکانی تریشەوە چوین.
پێکهێنانی ناوەندی هاوکاری حیزبەکانی کوردستانی ئێران لەجاو لێکدابڕان و دۆخی ئەوپرش و بڵاوی ئەو حیزبانە بە هەنگاوێکی ئەرێنی لەپێوەندییاندا زانیوە.. بەڵام وەڵامدەری پێویستیەکانی بزوتنەوەی سیاسی رۆژهەڵاتی کوردستان نیە…ئێمە پێ لەسەر دامەزران و چێکردنی بەرەی کوردستانی دادەگرینەوە کە تێکۆشان و خەباتی لە پێناوی وەدەستهێنانی مافی دیاریکردنی چارەنوس بۆ نەتەوەی کورد بێ…بۆ چێکردنی بەرەیەکی یەکگرتووی کوردستانی ئامادەی گفتوگۆ لەتەک ناوەندی هاوکاری و حیزبەکانی دەرەوەی ئەو ناوەندە داین.
دۆخی ناوچەکە و کوردستان و رووداوەکانی کە پێشبینی دەکرێن..یەکێتی و یەکریزی نەتەوەکەمان و پارتە سیاسییەکانی دەخوازێ..بۆ دەسکەوتی زیاترو پاراستنی دەسکەوتەکانی ئێستاو پێشخستن و گەیشتنی کورد بە مافەکانی لە رۆژهەڵاتی ناوەراست و ئازادیی و سەربەستی کوردو کوردستان دەبێ تەباو یەکگرتوو و هاوکاربین…یەکبوون و یەکگرتنمان زامنی دوبارە نەبوونەوەی کارەساتەکان و سەرکەوتن وەدیهێنانی مافی دیاریکردنی چارەنوسە بۆ خەڵکی کوردستان و رێگای پێکەوە نانی کیان و دەوڵەتی سەربەخۆی کوردستان نزیک دەکاتەوە.

بەسپاسەوە
بەڕێزەوە
نوێنەرایەتی ئوروپای
پارتی ئازادیی کوردستان PAK

پارتی ئازادیی کوردستان
کومیتەی ڕێکخستنی هۆڵه‌ند
5ی مانگی جۆزەردان2718ی کوردی
27 ی ئۆکتۆبری 2018ی زایینی
Kurdistan Freedom Party
Holland Committee
nl_pak@yahoo.com
nl.pak1@gmail.com
Mobil:0031620074245
www.pak-eu.com

https://www.facebook.com/pakeucom/?ref=hln

https://twitter.com/pak_eu

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

دەتوانی ئەو تاگ و خەسڵەتانە HTML بەکاربێنیت: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>