بەشداریی PAK لە یادی39 ساڵی کۆچی دوایی بارزانی لە هولەند

رۆژی یەکشەممە 12 رەشەمەی 2717 (4مارسی 2018)، لیژنەی ناوچەی هۆڵەندای پارتی دیموکراتی کوردستان لە شاری ئەلمێری وڵاتی هولەند رێورەسمێکی بەبۆنەی 39 هەمین ساڵوەگەڕی کۆچی دوایی ژێنێڕاڵ مستەفا بارزانی رێکخست.

لەسەر بانگهێشتی فەرمی پارتی دیمۆکراتی کوردستان، شاندی پارتی ئازادیی کوردستان بە سەرپەرشتی خاتوو چیمه‌ن نه‌قشبه‌ندی ئه‌ندامی مه‌جلیسی گشتی و به‌رپرسی کۆمیته‌ی رێکخستنی هوله‌ند و ئەندامەتیی فریشتە یەزدانپەنا و موحسین وه یسمورادی،ئەندامانی کۆمیتەی رێکخستنی هولەندی پارتی ئازادیی کوردستان PAK به‌شدارییان له رێورەسمەکەدا کرد . شاندی PAK لە لایان بەڕێزانی لیژنەی ناوچەی هۆڵەندای پارتی دیموکراتی کوردستان پێشوازییەکی گەرمیان لێکرا.
دەسپێکی رێورەسمەکە بە دەقیقەیەک بێدەنگی بۆ گیانی پاکی شەهیدانی نەتەوەی گەورەی کورد و لێدانی سروودی نه‌ته‌وه‌یی “ئه‌ی ره‌قیب” ده‌سیپێکرد. پاشان وتەی بەخێر هاتن و دەسپێکی رێورەسمەکە لە لایەن خاتوو شوعلە حەبیب کرا. له ڕێوڕەسمەكەدا هەریەك لە بەڕێزان ((دلاوەر ئاژگەیی) نوێنەری حكوومەتی هەرێمی كوردستان لە یەكێتی ئەورووپا و ژمارەیەك لە حیزبه‌ كوردستانی و كەسایەتیی سیاسیی هەر چوار پارچەی كوردستان و ساسان دەروێش دۆست وهاوبیری پاک ڕۆژنامەنووس وکوڕی شەهید تێیدا ئامادە بوو.
لەم رێورەسمەدا پەیامی کۆمیتەی هاوکاریی هێزە کوردستانییەکان لە وڵاتی هولەند له‌ لایان خاتوو چیمه‌ن نه‌قشبه‌ندی خوێندرایه‌وە.لە بەشێک لە پەیامەکەدا هاتبوو:لە سالروژی کۆچی دوایی بارزانی نەمر ،باوکی روحی کورد ، سلاو لە گیانی پاکی، سه‌رکرده‌ی نه‌ته‌وه‌یی کورد، هێمای شۆڕش و به‌رخۆدان، فه‌رماندی شۆڕشه‌کانی بارزان، ژێنێراڵی کۆماری کوردستان، قاره‌مانی حه‌ماسه‌ی ئاراس و سه‌رکرده‌ی شۆڕشی ئه‌یلوول، مه‌لا مسته‌فا بارزانی.
لەم رۆژەدا پێویستە پێ لەسەر ئەو راستییە دابگرینەوە کە، ئەمڕۆ کوردستانی گەورە کەوتووەتە بەر پیلانگێڕییەکەی گەورەی ناوچەیی و نێودەوڵەتی، هەموو پارچەکانی کوردستان بێ جیاوازیی کەوتوونەتە بەر شاڵاوی ئەو پیلانگێڕییە کە لە ئێستادا باشوور و رۆژاوای کوردستانی بە دیاریی گرتووەتەوە و رۆژهەڵات و باکووریش بە هەر کام بە گوێرەی خۆیان لەژێر تەوژمی ئەو پیلانگێڕییەن.
هەربۆیە لێرەدا دووپاتی دەکەینەوە، تەنیا ریگایەک کە بۆ دەربازبوون لەم باروودۆخی لەبەردەم نەتەوەی کورددایە، یەکگرتوویی و یەکڕیزیی ماڵی کوردە بە بێ جیاوازیی حیزبیی. دوژمنانی نەتەوەکەمان هەمیشە کەڵکیان لە پڕش و بڵاویی نێو ماڵی کورد بۆ وەدیهێنانی مەرامەکانیان دژ بە کورد وەرگرتووە و بەداخەوە هەموو جارێکیش سەرکەوتوو بوونە و کوردیش لەو نێوەندەدا زەرەرمەندی سەرەکیی بووە. بۆیە با پێکەوە دەست لەناودەست هەنگاو بۆ ئازادیی و سەربەخۆیی کوردستان، هەڵبێنین.
شایانی باسه خاتوو چیمه‌ن نه‌قشبه‌ندی چه‌پکه‌ گوڵی نوێنه‌رایه‌تی ئوروپای پارتی ئازادیی کوردستان بو یادی39 ساڵی کۆچی دوایی ژێنێڕاڵ مستەفا بارزانی دانا.
پارتی ئازادیی کوردستان
کۆمیته‌ی رێکخستنی هوله‌ند
14رەشەمەی 2717کوردی
6 مارسی 2018 زایینی
Kurdistan Freedom Party
Holland Committee
nl_pak@yahoo.com
nl.pak1@gmail.com
Mobil:0031620074245
Mobil:0031687269438
www.pak-eu.com

https://www.facebook.com/pakeucom/?ref=hl

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

دەتوانی ئەو تاگ و خەسڵەتانە HTML بەکاربێنیت: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>