بەڕێوەچوونی ئاکسونیک له‌ بەردەم پارلمانی هولەند بۆ دەربڕینی ناڕەزایەتی لەدژی حوكمی ئێعدامی پێشمەرگەی دیل هۆشمه‌ند عه‌لیپوور و پێنج ساڵ زیندانی بۆ محه‌مه‌د وه‌ستا قادر.

رۆژ دووشەممە رێکەوتی 23ی به‌فرانباری 2719 ی کوردی 13ی ژانویه‌ی 2020ی زایینی لە لایەن کۆمیتەی هاوکاریی هێزە کوردستانییەکان لە هولەند ئاکسیۆنێک بۆ مەحکومکردنی حوکمی ئێعدام و ئازار و ئەشکەنجە لە ئێران و ناڕەزایی دەربڕین بەرامبەر حوکمی داسەپاوی ئێعدام و زیندانی دوو پێشمەرگەی بە دیل گیراوی پارتی ئازادیی کوردستان ، هوشمەند عەلی پوور و محەمەد ئۆستادقادر بەرێوە چوو .

جێی باسە کاتژمێر دووی دوانیوەڕۆ له بەردەم پارلمانی هولەند لە شاری دانهاخ بە لێدانی مارشی نەتەوەیی” ئەی رەقیب ” و ساتێک بە بێدەنگی وەستان بۆ رۆحی بەرزی شەهیدانی هەرچوارپارچەی کوردستان ئاکسیۆنەکە دەستی پێکرد . خاتوو چیمەن نەقشبەندی بەرپرسی کومیتەی ڕێکخستنی پارتی ئازادیی کوردستان لە وڵاتی هولەند ، وتاری دەستپێک و سپاس کردن و بەخیرهاتنی بەشداربوانی پێشکەش کرد .
پاشان پەیامی کومیتەی هاڤکاری هیزەکوردیەکان لەلایەن رێزدار ساسان دەروێشەوە خوێندرایەوە کە تێیدا، حوکمی داسەپاوی نامرۆڤانەی کۆماری ئیسلامی ئێرانی دژ بە هوشمەند عەلی پوور و محەمەد ئۆستاد قادری مەحکوم و شەرمەزار کرابوو.
هەروهەا چالاکوانی یارسانی بەرێز کاک ناوخاس نەزەری پەیامی کومیتەی هاڤکاری هیزەکوردیەکان بە زمانی هۆلەندی بەو بۆنەوە پێشکەش کرد.
جێی ئاماژەیە پەیامی کومیتەی هاڤکاری هیزەکوردیەکان بە زمانی هۆلەندی دژبە کۆماری ئیسلامی و شەرمەزارکردنی حوکمی لە سێدارەدان بۆ چالاکوانانی کورد بەگشتی و بەتایبەت حوکمی هوشمند عەلی پوور و محەمەد ئۆستادقادر خوێندرایەوە.
لەو ئاکسێۆنەدا بەرێز حەسەن مەجیدی بەرپرسی حیزبی دیموکراتی کوردستانی ئێران وتارێکی پێشکەش کرد ، لە پەیامەکەیدا خالی خستە سەر یەکریزی لایەنە کوردییەکان و درێژەپێدانی رێگای شەهیدان و مەحکوم کردنی کۆماری ئیسلامی بەشێوەی فراوان بەگرنگ زانی.
لە درێژەی بەرنامەکەدا هەریەکە لە بەرێز کاک سیدا نوێنەری پارتی سوسیالیستی کوردستان باکور و
چالاکوانی کورد بەرێز عەلی محمود ، وتاریان پێشکەش بە ئامادەبووان کرد و ئەو حوکمە ناڕەوایەیان شەرمەزارکردو داوای هەڵوەشانەوەیان کرد.
لە کۆتاییدا یاداشتێک کە تێدا ئاماژە بە زیندانی و ئەشکەنجە و لە سێدارەدانی رۆڵەکانی کورد کرابوو و هەروەها داوای لە پارلمانی هۆلەند کردبوو کە سیاسەتێک بگرنەبەر بۆ فشارخستنە سەر دەوڵەتی داگیرکەری ئێران، بەمەبەستی ڕاگرتن و کۆتایی هێنان بە کوشتارو لە سێدارەدانی ڕۆڵەکانی کورد ، هەروەها تێیدا پشتگیری بۆ ئازادی پێشمەرگە دیلەکانی پارتی ئازادیی کوردستانPAK هوشمەند عەلی پوور و محەمەد ئۆستاد قادر پێشکەش بە پارلمانی هولەند کرا.
پارتی ئازادیی کوردستان
کومیتەی ڕێکخستنی هۆڵه‌ند
25ی به‌فرانباڕی 2719ی کوردی
15ی ژانویه‌ی2020ی زایینی
Kurdistan Freedom Party
Holland Committee
nl_pak@yahoo.com
nl.pak1@gmail.com
Mobil:0031620074245

Share Button

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *