بەڕێوەچوونی کۆبوونەوەیەک بۆ یادەکانی هەڵەبجە و ئەنفال لە هولەند

رۆژی شەممە 21 رێبەندانی 2712 (9فێوریەی 2013)، بە بەشداریی چەند پارت سیاسی و کۆڕ و کۆمەڵە مەدەنییەکانی کوردستان، لە شاری دانهاخی وڵاتی هولەند، کۆبوونەوەیەک بۆ یادەکانی هەڵەبجە و ئەنفال، رێکخرا.

کۆبوونەوەکە بە دەقیقەیەک بێدەنگی بۆ رێزگرتن لە گیانی پاکی شەهیدانی کوردستانی مەزن دەستیپێکرد. لە کۆبوونەوەکەدا، باس لە دانانی بەرنامە و چۆنیەتی بەڕێوەبردنی بەرنامەکان کرا و ئامادەبووان، بیروڕایان لەسەر ئاڵووگۆڕ کرد. هەروەها بەمەبەستی باشتر بەڕێوەچوونی یادەکان، لێژنەیەک بۆ راپەڕاندنی ئەرکەکان دیاریکرا و یەکێک لە ئەندامانی لێژنەکە خاتوو چیمەن نەقشبەندی/یە.

شایانی باسە، شاندی پارتی ئازادیی کوردستان کە پێکهاتوو لە خاتوو چیمەن نەقشبەندی ئەندامی مەجلیسی گشتی و بەرپرسی کۆمیتەی رێکخستنی هولەند و هەڤاڵ چیا محەمەدی، بەشداریی لە کۆبوونەوەکەدا کرد.

 

پارتی ئازادیی کوردستان

کۆمیتەی رێکخستنی هولەند

22 رێبەندانی 2712

10 فێورییەی 2013

  

Parti Azadi Kurdistan

Kurdistan Freedom Party

Holland Committee

nl_pak@yahoo.com

nl.pak1@gmail.com

Mobil:0031620074245

www.pazadik.org

www.pak-eu.com

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *