رۆژی شەهیدانی PAK لە هولەند بەرزراگیرا

سەعات 13:00ی رۆژی شەممە 22 سێپتامبری 2018، بەبۆنەی 27 هەمین ساڵوەگەڕی تێرۆرکرانی شەهیدی سەرکردە و دامەزرێنەری پارتی ئازادیی کوردستان شەهید سەعید یەزدانپەنا و رۆژی شەهیدانی PAK، لە شاری ئاڕنهێمی وڵاتی هولەند، کۆمیتەی رێکخستنی هولەندی PAK، رێورەسمێکی رێکخست.

رێورەسمی رۆژی شەهیدانی PAK، بە ساتێک راگرتنی بێدەنگی بۆ رێزگرتن لە گیانی پاکی شەهیدی سەرکردە کاک سەعید یەزدانپەنا و شەهیدانی PAK و سەرجەم شەهیدانی کوردستانی گەورە و بە سروودی نەتەوەیی ئەی رقیب، دەستیپێکرد. پاشان لە لایان خاتوو چیمەن نەقشبەندی ئەندامی مەجلیسی گشتیی PAK، وتەی بەخێرهێنانی میوانانی رێورەسمەکە پێشکەشکرا. و لەلایەن پێشمەرگەی دیرین وشەهیدی زیندوو کاک ئاوات پڕۆگرامی مەراسیمەکە پێشەشکرا
دوواتر لە لایان نوێنەرانی حیزب و لایەنەکانی کوردستانیی و میوانانەوە مۆمی یادکردنەوەکە داگیرسێندرا. دووابەدووای داگیرساندنی مۆمەکان، حیزب و لایەنە بەشدارەکان پەیامەکانیان پێشکەشکرد و روناکبیر سالار قەرەداغی پەیامێک پێشکەشکرا.
پاشان بەبۆنەی رۆژی شەهیدانی PAK ەوە، لە هەر بەشێکی کوردستان رێز لە بنەماڵەیەکی شەهیدی کوردستان گیرا و مەدالیای رێزلێنانی بەڕێز حسەین یەزدانپەنا سەرۆکی پارتی ئازادیی کوردستان کە بەو بۆنەیەوە ئامادەکرابوو، لە لایان هەڤاڵ ئەفشار ئەقدەسی بە نوێنەرایەتی بەڕێز حسەین یەزدانپەنا و سەرۆکایتی پارتی ئازادیی کوردستان پێشکەش بە بنەماڵەی شەهیدە سەربەرزەکان کرا.
لە بەشێکی دیکە لە رێورەسمەکەدا، گرووپی فێرگەی شۆڕش کە لە لایان مامۆستا شۆڕش قەرەداغی بەڕێوەدەچێ، سروودێکی نیشتمانیی بەو بۆنەیەوە پێشکەشکرا. ئەو پارت و لایەنانەی کە پەیامیان پێشکەشکرا بریتی بوون لە:
1-پارتی ئازادیی کوردستان PAK
2-لیژنەی ناوچەی هۆڵەندای پارتی دیموکراتی کوردستان
3-حیزبی دیموکراتی کوردستانی ئێران
4-ساسان دەروێش له ڕۆژنامی خه بات
5-پارتی سوسیالیست باکور
6- پارتی ئازادی کوردستان ڕۆژئاوا
7-کۆمەڵەی دۆستایەتی کوردستان ئیسرائیل –کیفا
8-شەپێلا پاشە ڕۆژ کورد له سوریا

هەروەها ئەو لایەنانەی کە بە ناردنی بروسکە بەشداربوون بریتی بوون لە:
1-ئۆفیسی ئەوروپایی یەکێتی ئافرەتانی کوردستان
2-هاک پار باکور
3-بزوتنەوەی گۆڕان
————
پارتی ئازادیی کوردستان
کومیته ی ڕیکخستنی هوله ند
3 ی رەزبەری 2718
25 ی سێپتامبری 2018
Kurdistan Freedom Party
Holland Committee
nl_pak@yahoo.com
nl.pak1@gmail.com
Mobil:0031620074245
www.pak-eu.com

https://www.facebook.com/pakeucom/?ref=hln

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

دەتوانی ئەو تاگ و خەسڵەتانە HTML بەکاربێنیت: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>