كۆچی دوایی ژنە کۆڵنەدەری کوردستان، پوورێ شیرین، دایكی سێ شەهیدی ڕێگای ئازادیی و سه‌ربه‌خۆیی كوردستان

به‌ داخ و كه‌سه‌ری زۆره‌وه‌ ، سەرلەبەیانی ئەمڕۆ ، ژنە کۆڵنەدەر و نەسرەوتووی کورد، «پوورێ شیرین عەلی پەنا” دایكی شه‌هیدان : ئیبراهیم نادری ، محەمەد نادری ، فەرەیدوون نادری؛ هاوسه‌ری خوالێخۆشبوو “ عەبدوڵای نادری، لە ئاوایی كانی سانانی مه‌ریوان، كۆچی دوایی كرد. ته‌رمی دایە شیرین، هه‌ر له‌ گۆڕستانی كانی سانان و لە تەنیشتی هاوسەرەکەی به‌خاك سپێردرا.

داخمان ناچێ كه پوورە شیرین و وەستا عەبدوڵای هاوسەری، مه‌رگ مه‌ودای نه‌دان كه‌ رۆژی راماڵینی داگیركه‌ران له‌ رۆژهه‌ڵاتی داگیركراو و ئه‌ستاندنی تۆڵه‌ی كوڕه شەهیدەکانیان، ببینن. ئه‌وان له‌ گۆڕیشدا، چاویان له‌ هه‌ڤاڵان و خەباتگێڕانی ڕێگای ئازادیی کوردستانە كه‌ تۆڵه‌یان له‌بیر نه‌كه‌ن و له‌ داگیركه‌رانی به‌رفه‌رمانی تارانی بكه‌نه‌وه‌. به‌م بۆنه‌یه‌وه‌، پرسه‌ و سه‌ره‌خۆشیی سه‌رۆكایه‌تی و فه‌رمانده‌یی و پێشمه‌رگه‌كانی سپای میللیی كوردستان و سه‌رجه‌م ریزه‌كانی پارتی ئازادیی كوردستان به‌ به‌ڕێزانی بنه‌ماڵه‌ و كه‌سووكاری خوالێخۆشبوو، خاتوو شیرینی عەلی پەنا راده‌گه‌یه‌نین. ھەر بەم بۆنەیەوە، لەسەر فەرمانی سەرۆکایەتی پارتی ئازادیی کوردستان، لە سبەینێ یەکشەممەوە، بۆ ماوەی دوو رۆژ لە سەرجەم ریزەکانی پارتی ئازادیی کوردستاندا، پرسەو ماتەمینیی بەڕێوە دەچێ.
پارتی ئازادیی کوردستانPAK
کۆمیتەی راگەیاندن
2ی ڕەشەمەی2720ک
20ی فێورییەی 2021ز
Share Button

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *