لە رێورەسمێکی شکۆدار لە ئاڵمان، 27 هەمین ساڵوەگەڕی دامەزراندنی PAK پیرۆز کرا | نوێنەرایەتی ئوروپا پارتی ئازادیی کوردستان
لە رێورەسمێکی شکۆدار لە ئاڵمان، 27 هەمین ساڵوەگەڕی دامەزراندنی PAK پیرۆز کرا

بەبۆنەی 27 هەمین ساڵوەگەڕی دامەزراندنی پارتی ئازادیی کوردستان، رۆژی 29 گوڵانی 2718 (19  مای 2018)، لە شاری کۆڵنی وڵاتی ئاڵمان، رێورسمێکی شکۆدار بەڕێوەچوو.
سەرەتای رێورەسمەکە بە دەقیقەیەک بێدەنگی بۆ رێزگرتن لە گیانی پاکی شەهید سەعید یەزدانپەنا و سەرجەم شەهیدانی کوردستانی گەورە و سروودی نەتەوەیی ئەی رەقیب بوو. پاشان پەیامی بەڕێز حسەین یەزدانپەنا سەرۆکی PAK بەو بۆنەیەوە پێشکەشکرا.

لە بەشێک لە پەیامەکەی فەرماندەی گشتیی هێزەکانی PAK دا هاتووە: ” ناسنامە، گوتار، ستراتیژ، ستراکچێر و  پڕۆژە و رەفتاری سیاسیی پارتی ئازادیی کوردستان، هەڵقوڵاوی هەلومەرج و دەرد و دەرمانی کوردستان و پرسە سیاسییەکەیەتی.”
بۆیە نەخوێنی ئەوانە بەفێڕۆ دەڕوا کە گیانیان لە ریزەکانیدا بەختکردوە و نە رەنجی ئەوانە بەخەسار دەچێ کە لە پێناو ئامانجەکانییدا تێدەکۆشن.
لەم یاد و بۆنە مێژووییەدا، سڵاوی ئەمەگ و وەفا پێشکەشی رێبەری شەهیدمان دامەزرێنەری پارتی ئازادیی کوردستان کاک سەعیدی نەمر دەکەم.
دوواتر هەریەک لەم پارت و لایەن و کەسایەتییانە بەو بۆنەیەوە پەیامیان پێشکەشکرد:
کۆنگرەی نەتەوەیی کوردستان (ک ن ک)
پارتی دیموکراتی کوردستانی سوریە
پارتی دیموکراتی کوردستان
حیزبی دیموکراتی کوردستان
پارتی سۆسیالیستی کوردستان باکور
کاک ساسان دەرویش ڕۆژنامەنووس لە رۆژنامەی خەبات
کاک شاخەوان دوکانی بەرپرسی سەنتەری مێترۆ لە ئورووپا
پێشمەرگەی دێرین کاک ئاوات
کاک برایم بەرپرسی کۆمەڵەی دۆستایەتیی کوردستان -ئیسرائیل (کیفا)
خاتوو شیرین
لە بەشێکی دیکەی رێورەسمەکە سوپاسی ئەو لایەن و کەسایەتییانە کرا کە پەیامیان ناردبوو و ناوەکانیان خوێندرایەوە.
ناواخنی رێورەسمەکە بە گۆرانی و هەڵپەڕکێی کوردیی لە لایان ئامادەبووانەوە رازێندرایەوە. شایانی باسە کە هونەرمەندی ناسراوی کورد خاتوو جانێ کە وەک میوانێک ئامادەی رێورەسمەکە بوو، چەند گۆرانییەکی پێشکەش کرد و پیرۆزبایی یادی دامەزراندنی پارتی ئازادیی کوردستانی کرد.

پارتی ئازادیی کوردستان
کۆمیتەی رێکخستنی ئاڵمان
1 جوزاردان 2718
21 مای 2018

Parti Azadi Kurdistan
COMMITTEE deutschland
pak_deutschland@yahoo.de
TEL:004922116825149
Mobil: 00491638340509
www.pak-eu.com

https://www.facebook.com/pakeucom/?ref=hl

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

دەتوانی ئەو تاگ و خەسڵەتانە HTML بەکاربێنیت: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>