نوێنەرایەتیی ئۆروپایPAK پیرۆزبایی دەستپێکی ساڵی 2721 کوردی لە هەموو پارچەکانی کوردستانی گەورە و لە دەرەوەی وڵات دەکا.

“جەژنە جەژنی کوردستانە جەژنی نەورۆزە
بە تیشکی ئاگر دەنووسم جەژنە پیرۆزە”

بە ناوی نوێنەرایەتیی ئۆروپایPAK
بە هاتنەوەی دەستپێکی جەژنی نەتەوەیی نەورۆزی ساڵی 2721کوردی و سەری ساڵی کوردی جوانترین پیرۆزبایی لە جەنابی ژێنێڕاڵ حسەین یەزدانپەنا، سه‌رۆكیPAK و فه‌رمانده‌ی گشتیی سپای میللیی كوردستان و هەڤاڵان و ئەندامانی سەرکردایەتی و لایەنگران وبنەماڵەی شەهیدانیPAK و سەرجەم بنەماڵەی شەهیدانی سوورخەڵاتی ڕێگای ڕزگاریی کوردستان و هەموو خوشك و برایان دەکەین وساڵێکی پڕ لە تەندروستی و بەختەوەری بۆ هەمووان دەخوازین.

“جێژنی ڪۆن و ساڵی تازەی ڪوردەواری ھاتەوە
ھاتەوە ئاگری خەباتی ئەو گەلە خۆش ڪاتەوە”

ئێمە بووین ئاڵاکەی “خۆیبوون” و پێشەوا و دەوڵەتەکەییمان، پاش نزیکەی نیو سەدە لە بیرکران، هەڵکردەوە؛ هەر ئێمەین پارێزەرانی ئەو میراتە بەنرخە و هەر ئێمەین ئاڵاهەڵگری ڕێگای سەربەخۆیی نیشتمانی داگیرکراومان.
نەورۆز بۆ ئێمە تەنیا بووژانەوەی سروشت و دەستپێکی بەهار و ساڵی تازە نییە. نەورۆز بۆ نەتەوەی کورد، نیشانەی سەرکەوتن بە سەر دوژمناندایە.
نەورۆز لە ململانێ و نەبەردی مەرگ و ژیان لە نێوان نەتەوەی کورد و داگیرکەرانی کوردستاندا، دەرفەت و بەستێنێ بووە بۆ ئەوەی ڕۆڵەی کورد پڕ بە دەنگ بانگ بکا: ” ئەی ڕەقیب هەر ماوە قەومی کورد زمان، کورد زیندوە، زیندوە قەت نانەوێ ئاڵاکەمان”.
نەوروز بکەنە ڕێفراندۆمی سەربەخۆیی کوردستان و پێشاندانی یەکبوونی نەتەوە و خاکی کورد و کوردستان.
نەورۆز بکەنە مایەی گوڕ و تیندان بە خەبات بۆ راماڵینی داگیرکەرانی بەرفەرمانی تاران لە کوردستان.

ساڵی نوێی کوردی و نەورۆزی کوردەواریتان لێ پیرۆز بێت.

ئەفشار ئەقدەسی
بەرپرسی نوێنەرایەتی ئورووپای
پارتی ئازادیی کوردستانPAK
29ی ڕه‌شه‌مه‌ی ساڵی 2720ی کوردی
19ی مارسی ساڵی 2021ی زایینی
Kurdistan Freedom Party Representation in Europe
info.pak_europa@yahoo.com – info.pak.europa@gmail.com
Mobil:0031641693364
?https://t.me/PAKeurope
?www.pak-eu.com
https://www.instagram.com/pak_europ/?hl=nl
https://www.facebook.com/pakeucom/

Share Button

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *