پرسه‌نامه‌ی سه‌رۆكیPAK به‌ بۆنه‌ی كۆچی دوایی مامۆستا كه‌ریم سالمی به‌ ناوی خوای گه‌وره‌و دلۆڤان

به‌ كۆچی دوایی مامۆستا كه‌ریم سالمی، شاری بۆكان یه‌كێ له‌ كه‌سایه‌تییه‌ خۆشناوه‌ دێرینه‌كانی خۆی له‌ ده‌ست دا. كه‌ریم سالمی به‌ هۆی كتێبفرۆشییه‌كه‌یه‌وه‌، رۆژگارێك له‌ شاری بۆكان سێمبۆلی كتێب و مه‌كۆی كتێبدۆستان بوو. هه‌روه‌ها به‌ هۆی روانگه‌و هه‌ڵوێسته‌كانییه‌وه‌، جێگای رێز و حورمه‌تی دانیشتوانی شار و تێكۆشه‌رانی بوو.

مامۆستا كه‌ریم، له‌ هه‌ر دوو رێژیمه‌كانی په‌هله‌وی و خومه‌ینی دا، به‌ر چاودێری و گوشار و زیندان كه‌وت. به‌ڵام هه‌رگیز رووی نه‌كرده‌ دوژمنی داگیركه‌ر و سه‌ری بۆ نه‌وی نه‌كردن. ئه‌و به‌ شه‌هیدكرانی قادری سالمیی برای، وه‌ك هه‌زاران مرۆڤی كورد، داغداری غه‌در و تاوانی ده‌وڵه‌تی داگیركه‌ر بوو. به‌ داخه‌وه‌ مه‌رگ مه‌ودای نه‌دا جارێكی دیكه‌ هێزی گه‌ل و پێشمه‌رگه‌ ببینێ كه‌ داگیركه‌ران رابماڵن و نیشتمانه‌كه‌ی‌ ئازاد و سه‌ربه‌خۆ ببینێ…. پرسه‌وسه‌ره‌خۆشیی پێشكه‌شی هاوسه‌ر و كوڕ و كچ و برازا و نه‌وه‌كانی و دۆستان و هاواڵانی ده‌كه‌م.
حسین یه‌زدانپه‌نا
26ی خه‌رمانان 2720 ك
16ی سێپتامبری 2020 ز
Share Button

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *