پەیامی سەرۆکیPAK بە بۆنەی جەژنی خاوەنکارەوە

به‌بۆنه‌ی جه‌ژنی “خاوه‌نکار”، جەژنی تایبەتی کۆمەڵگای کوردی یارسان‌، سه‌رۆکی پارتی ئازادیی کوردستان، پەیامێکی پیرۆزبایی پێشکەشی خوشک و برایانی یارسانی و سەرجەم نەتەوەی کورد کردووە، کە ئه‌مه‌ی خواره‌وه‌ ده‌قی په‌یامی به‌ڕێزیانه:

به‌ ناوی خوای گه‌وره‌ و دلۆڤان

خوشک و برایانی یارسان!
رۆڵەکانی نەتەوەی گه‌وره‌ی کورد!

به‌ بۆنه‌ی جه‌ژنی خاوه‌نکار، پیرۆزباییه‌کی گه‌رمتان پێشکه‌ش ده‌که‌م. ئاواته‌ خوازم ئه‌م جه‌ژنه‌ به‌ شادی و خۆشی بۆ خوشک و برایانی یارسانمان و هه‌موو رۆڵه‌کانی کورد و کوردستان بگه‌ڕێتەوە.

رۆڵه‌کانی نه‌ته‌وه‌ی گه‌وره‌ی کورد، به‌ گشت قه‌وم و تیره‌كانییه‌وه‌، به‌ هه‌ر جیاوازییه‌کی ئایینی و مه‌زهه‌بی و زاراوه‌ییه‌وه‌، رۆڵه‌ی یه‌ک نه‌ته‌وه‌ و یه‌ک نیشتمانن و یه‌كێتی نه‌ته‌وایه‌تیی وا ده‌خوازێ کە هه‌رکام له‌ جه‌ژن و بۆنه‌ تایبه‌تییه‌کانیشمان بە بۆنەیەکی سەرجەم کوردستانی دابندرێن.
نه‌ته‌وه‌ی کورد به‌ هه‌موو پێکهاته‌کانیەوە له‌ لایان ده‌سه‌ڵاتدارانی داگیرکه‌ره‌وه‌ بە هۆکاری نەتەوایەتی واتە کورد بوون، تووشی چه‌وسانه‌وه‌ و كوشتار و كاره‌سات كراوه‌‌. لەو نێوەدا کۆمەڵگای یارسان بەهۆی جیاوازیی ئایینیشەوە سەرباری ستەمی نەتەوایەتی، له‌ لایان داگیركه‌رانی كوردستانه‌وه‌، تووشی چەوسانەوە و هه‌ڵاواردن بووە.
بۆیە بە سەرنجدان بەو راستیانە ئێمە رۆڵەکانی نەتەوەی کورد له‌سه‌رمانه‌ یه‌کگرتووانه‌ به‌بێ له‌به‌رچاو گرتنی جیاوازییه‌ قه‌ومی و ئایینی و مه‌زهه‌بی و زاراواییه‌کانمان، وه‌ک یه‌ک نه‌ته‌وه‌ی یه‌کگرتوو له‌ پێناو ڕاماڵینی داگیرکه‌ران و وه‌ده‌ستهێنانی سه‌روه‌ریی و ‌ سه‌ربه‌خۆیی و دابینکردنی ژیانێکی ئازاد و دیمۆکرتیک بۆ هەموو تاک و گرووپ و پێکهاتەکانی کۆمەڵی کوردەواریی، درێژه‌ به خه‌باته‌ ره‌واکه‌مان بده‌ین.

حسین یه‌زدانپه‌نا
سه‌رۆکی پارتی ئازادیی کوردستانPAK
22ی خەزەڵوەری ساڵی 2719ی کوردی
13ی نۆڤەمبەری ساڵی 2019ی زایینی

Share Button

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *