چیمه‌ن نه‌قشبه‌ندی :بو رۆژی ئاڵای کوردستان”ئاڵای کوردستان ناسنامه‌ و سومبلی یه‌کێتی نه‌ته‌وه‌یی کوردان”

هەڵکردنی ئاڵای کوردستان و داگرتنی ئاڵای ئێران لە کوردستان هەڵقوڵاوی ئیرادەی لێبڕاوی نەتەوە و سەرکردایەتییەک بوو کە سوور بوو لەسەر پاراستنی ناسنامەی جیاواز و سەربەخۆی خۆی و بڕیاری دابوو سەروەریی کورد لەجیاتی سەروەریی دەوڵەت و نەتەوەیەکی دیکە، لەسەر خاک و نیشتمانی خۆی دابنێ. هەربۆیە پاش تێپەڕینی ماوەیەکی کەم لەو هەنگاوە، دەوڵەتی جمهووریی کوردستان راگەیەندرا.

ئاڵای کوردستان لە دواساتەکانی دەستەڵاتی کۆماری کوردستان له مهاباد لە 17ی کانوونی یەکەمی ساڵی 1947 پێشەوا قازی نەمر ئاڵای پیرۆزی کوردستانی دایە دەستی مستەفا بارزانی نەمر کە ئەوکاتە بارزانی نەمر سوپا سالار و پشتیوانی کۆماری کوردستان بوو خۆیی وپێشمەرگەکانی لە شاری مهاباد بۆ ئەوەی وەک ئەمانەتێکی نەتەوەیی بیپارێزێ ولەوسات وکاتەشەوە تائیستا بۆ پاراستن وبەرزڕاگرتنی ئەوئاڵایە گەلی کورد بەگشتی قوربانیەکی زۆریان خەڵات کرد تا بە ئەمڕۆیان گەیاند کە بەبەرزیەوە دەشەکێتەوە لە هەمووکوردستان وزمان وئاڵا ناسنامەی نەتەوەیین وپێویستە بپارێزرێن و بۆ بەرزوپیرۆز ڕاگرتنی ئەم یادەش
له26 سەرماوەز (17 دیسامبر) لە باشووری کوردستان بە فەرمیی وەک “رۆژی ئاڵا” رێزی لێدەگیرێ، ئەو شانازییە پتر دەکا. ئێمە ئاواتەخوازین کە ئەو ئاڵایە لە هەموو بەش و پارچەکانی کوردستان هەڵکرێ. هەروەها هیوادارین بە خەباتی شێلگیرانەی رۆڵەکانی نەتەوەکەمان، رۆژێک‌دابێ کە ئاڵای کورد و کوردستان لە رێکخراوی نەتەوەیەکگرتووەکان لە تەنیشت ئاڵای نەتەوە و دەوڵەتانی دیکە بشەکێتەوە.
پەرلەمانی کوردستان پڕۆژە یاسای ئاڵای کوردستانی لە ڕیکەوتی 11/11/1999 پەسەند کرد وبڕیاری دا ئاڵای کوردستان ببێتە ئاڵای فەرمی کوردستان وڕۆژی 17 / 12 ببێتە ڕۆژی ئاڵا لە هەموو کوردستان ولەم یادەشدا هەمووساڵێک بە هەموو چین وتوێژەکانی خەڵکی کوردستانەوە وەکو هەستێکی نیشتیمانی ونەتەوەیی بۆ بەرزڕاگرتنی ئەم یادە بەهەموو شێوەیەک لەمەراسیمی جۆرا وجۆردا ئاڵای پیرۆزی کوردستان بەرزبکرێتەوە بە پۆشینی جلوبەرگی کوردەواری بۆ گفتوگۆکردن لەسەر ئەم پرسە نەتەوەییە کۆمەڵیک لە کەسایەتی کوردستان بەگشتی بۆ خەبات دوان .
خەباتگێڕانی ریزەکانی پارتی ئازادیی کوردستان لەم رۆژەدا لە هەر کوێ بن، ئاڵاهەڵدەکەن، لە حاستیدا رادەوەستن و سڵاوی پێشکەش دەکەن و بەڵێن دەدەنەوە کە هەتا رادانی دووا سەربازی داگیرکەر لەسەر نیشتمان و هەڵکردنی ئەو ئاڵایە لە هەموو خاکی کوردستان و دامەزراندنەوەی دەوڵەتی جمهووریی کوردستان، لە خەبات نەسرەون
هه‌ر شه‌کاوه‌ بێ ئاڵای پیرۆزی کوردستان
چیمه‌ن نه‌قشبه‌ندی

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

دەتوانی ئەو تاگ و خەسڵەتانە HTML بەکاربێنیت: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>