ڕاگەیەندراوی فەرماندەیی سپای میللیی کوردستان سەبارەت بە هێرشی مووشەکیی حەشدی بەرفەرمانی تاران

کاتژمێر 20:30ئەمشەو، گرووپێک لە چەکدارەکانی حەشدی شەعبیی بەرفەرمانی تاران کە لە لایان سپای قودسی پاسدارانەوە بۆ هێرش کردنەسەر هێزەکانی ئەمریکاو هاوپەیمانانی رێکخراون و راسپێردراون؛ لە دەشتی نەینەواوە شەش مووشەکیان ئاراستەی فڕۆکەخانەی نێودەوڵەتی هەولێر کرد. هەروەها پێشتر لە هێرشێکی هاوشێوەدا لە سەعات 12:36 ی شەوی 20ی سێپتامبردا،لە شارۆچکەی داگیرکراوی “پردێ”وە بە هەمان جۆرو چەک، 6مووشەکیان ئاراستەی هێزەکانی پێشمەرگەی حکومەتی کوردستان و هێزەکانی سپای میللیی کوردستان جێگیر لە مەحوەری رۆژاوای کەرکووک، کردبوو.

ئەم هێرشانە زنجیرەیەکی دیکەی پڕۆژە و کردەوە تێرۆریستییەکانی تاران دژی هێزەکانی هاوپەیمانان و هەرێمی کوردستان و هێزەکانی پێشمەرگەی کوردستانە.
بۆیە سپای میللیی کوردستان وێڕای مەحکووم کردنی ئەم هێرشە تێرۆریستییانە
رادەگەیەنێ کە هەر وەک چۆن لەساڵانی شەڕی داعش و هێرشی هاوبەشی سپاکانی تاران و بەغدا دژی هەرێمی کوردستان؛ هێزی پاراستنی خاک و خەڵک و کیانی سیاسیی باشووری کوردستان بووە، بەهەمان وزەو ئیرادەو تواناوە،ئامادە و لەسەر پێیە بۆ بەرەنگار بوونەوە و تێکشکاندنی ئەو هێزانەی ئەم هێرشانەیان دژی هاوپەیمانان و هەرێمی کوردستان ئەنجام داوە.

سپای میللیی کوردستان
فەرماندەیی گشتیی
9ی رەزبەری 2720 ی کوردیی
30ی سێپتامبری 2020 زایینی

Share Button

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *