ڕۆژنامەی خەبات ساسان دەروێش :چیمەن نەقشبەندی باشووری کوردستان ماڵێکی ئارام وپڕلە هیوایە بۆ هەمووکوردستانیان بۆیە دەبێت بەدڵ وبەگیان هەمووپێشمەرگەی بین لە پاراستنی

کوردانی ڕۆژهەڵاتی کوردستان هەمیشە خۆیان بەپێشمەرگەو پارێزەری باشووری کوردستان

چیمەن نەقشبەندی :- باشووری کوردستان ماڵێکی ئارام وپڕلە هیوایە بۆ هەمووکوردستانیان بۆیە دەبێت بەدڵ وبەگیان هەمووپێشمەرگەی بین لە پاراستنی

ساسان دەروێش – هۆڵەندا
کێ هەیە لە هۆڵەندا نیشتەجێ بێ ولە دوورونزیک خاتوو چیمەن نەقشبەندی وهاوژینەکەی ئەفشار ئەقدسی نەناسێ ونەدیبێ کە لە ڕابردوودا هەریەکەیان هەرلە پێشمەرگایەتی شاخ و ڕێکخستنەکانی شاروئاوارەی غوربەتی تاراوگە مێژوویەکی پڕ سەروەریان ئاوێتەیی خۆشەویستی نێوکۆمەڵگاکەیان بووە بەئێستاشەوە لەم چەند ساڵەی ڕابردوودا لەو هەل و مەرجانەی کە کوردستانی پیاتێدەپەرێت ڕۆڵێکی جوامێرانە دەگێڕن وجێگا دەستیان دیارە لەگەل هەڤاڵەکانیاندا شان بەشانی نوێنەرانی پارت وڕێکخراوە کوردستانیانی هەرچوارپارچەی کوردستان هەرلەگەیاندنی پەیامی پرسە نەتەوەییەکانمان وبەرزڕاگرتنیان لەگەڵ بەرپرسانی فەرمی ئەو وڵاتەوئامادەبونیان لەپێشەوەی ..

هەمووکۆڕوکۆبوونەوەکان وبەشداربوونیان لە خۆپیشاندان ونارەزایەتیەکان و هوڵدانی چروپڕیان بۆیەکخستنی کۆدەنگی ویەک هەڵوێستی بۆ یەک ڕیزیی یەکێتی نەتەوەیی وگەیاندنی پەیامی گەلێکی ستەملیکراودابەشکراو بەئاراستیەکی تەندروست بۆ دروستکردنی پاڵپشتی بۆ کوردستان وپێشمەرگەو پارێزگاریکردن لە ئەزمونی هەرێمی باشووری کوردستان خۆیی لەوهەڵمەتە نیشتیمانی ونەتەوەیدا دەبینێتەوە کە پێش ئەنجامدانی ڕیفراندۆم بەرپرسیارێتی کۆمیتەی هۆڵەندا بۆ فیستیڤاڵی کۆڵن وئامادەکاریەکانیان خۆی دەبینێتەوە بەپێویستیمان زانی لە نزیکەوە خاتوو چێمەن نەقشبەندی بەرپرسی پارتی ئازادیی کوردستان لە هۆڵەندا بۆ خەبات بدوێنین .
ژیانێک پڕ لە وێسگەی سەروەری بۆ کوردستان
سەرەتا خاتوو چیمەن نەقشبەندی پێی خۆشبوو کەمێک لە ژیانی خۆیی وهاوسەرگیری و خەبات وتێکۆشانی وئاوارەبوونی بۆ ووڵاتی هۆڵەندا بدوێت وگوتی ، ئێمەی کورد لە زۆروکەم هەریەکەمان بەشی خۆمان بەرکەوتوە بەپێی بواروکاروبارودۆخەکان لە خزمەت کردن و قوربانی دان بۆ کوردستان کە پێم وایە دەبێتە بەشێک لەمێژووی نیشتیمانیمان بۆیە پێم خۆشە لەم هەلەدا کە ستافی لاپەڕەی ئافرەتان ئەم بوارەیان پێدام ولێرەوە سوپاسیان دەکەم بەتایبەتی ژیلاخان کە جێگا دەستی دیارە لەوبوارەدا وهیوای بەردەوامی زیاتری بۆ دەخوازم ،من چیمەن نەقشبەندی کوڕەزای شێخ عوسمانی بیارەم لەگوندی دووڕۆ سەربەشاری مەریوان لە ڕۆژهەڵاتی کوردستان لە بنەماڵەیەکی ئاینی ونیشتیمان پەروەر لەدایک بووم ، لە ساڵی 1979 بەهاتنی سەرکاری کۆماری ئیسلامی دژبەکورد ، ئێمەش وەک زۆربەی کوردەکان بە خاوخێزان ڕوومان لە سنورەکانی باشوری کوردستان کرد ، لەساڵی 1989 ژیانی هاوسەریم پێکهێنا لەگەڵ ئەفشار ئەقدسی ، لە ساڵی 1991 بووم بە ئەندامی یەکێتی شۆڕشگێرانی کوردستانی پێشوو پارتی ئازادیی کوردستانی ئێستا ،هەر لە هەمان ساڵ لە دوای تیرۆرکردنی شەهید سەعید یزدان پنا سکرتێری ئەوکاتەوپلان دانان بۆ تیرۆرکردنی هەڤاڵانی ترمان کە ناوی هاوژینەکەی منیشی تیدابوولە لیستی تیرۆرکردن بۆیە ناچار بووین ڕوولە دەرەوەی ووڵات و تاراوگە بکەین لە هۆڵەندا ودرێژە بەخەبات وتێکۆشانمان بدەین لە زۆر بەی زۆری شەقامەکانی ئەوروپا دەنگی نارەزایەتی کورد وپرسە نەتەوەیەکانمان بەرزکردۆتەوە بۆ خزمەتی نەتەوەکەم وەکو سەربازێکی وون ئامادەبووم ، پلەی حیزبایەتیشم ئەندامی مەجلسی گشتی وبەرپرسی کۆمیتەی ڕێکخستنی پارتی ئازادیی کوردستانم لە هۆڵەندا
ڕۆڵی کوردانی تاراوگە بەگشتی وئەرکی خۆیی وەک ئافرەتێک لە نێویاندا
پاشان خاتوو چیمەن نەقشبەندی باسی لە ڕۆڵی کوردانی تاراوگە بەگشتی وئەرکی قورسی خۆی وەک ئافرەتێک وبەرپرسیارێتی پارتێک لەسەرشانی خۆی وهاوژینەکەی گوتی ، من نامەوێت لە وەڵام دانەوەی ئەم پرسیارەدا زۆر کات بەفێرۆبدەم وبچمەوەسەر ئەو مێژووە جوانەی کوردانی تاراوگە لە ڕۆژە نەهامەتیەکانی کوردستاندا کە بندەستی داگیرکاری بەعس بوو کە هەریەکەیان بۆخۆیان باڵیۆزێکی کوردی بوون بۆ ناساندنی کورد وکێشەکانی نەتەوەیمان وئاشکرا کردنی زوڵم وزۆرداری داگیرکاران هەمیشە بەئێستاشەوە هێزوتوانایەکی نەبڕاوەی کوردستان بوون لە هەمووبارودۆخەکاندا ودەنگی ئاشتی خوازانەیان هەمیشە بڵند بووە بۆ پالپشتیکردنیان لەکوردستان جگە لە بەشداربوونی هەمیشەییان لەکوروکۆبوونەوەبۆنە نیشتیمانیەکان وبەرزڕاگرتنیان وبەدەنگەوەهاتنی سەربازە وونەکانی کوردستانیان کە بەکۆمەک و هاوکاریەکانیان ودلسۆزیان هەمیشە چاویان لە کوردستان بووە بۆ نموونە یەکێک لەو دڵسۆزانە کە ناوی بهێنم وەک نموونەیەکی جوانی کوردستانیان بەڕێز سەردار محمد شەریف خاوەنی کۆمپانیایی سەردارئیکس پریس کە چەند جارێک هاوکاروکۆمەکی دارایی کردوە بۆ دابین کردنی پاس و گواستنەوەی کوردستانیان بۆ شارو ووڵاتەکانی دراوسێمان بۆ خۆپیشاندانەکان کە جێگایی سوپاسن لەگەل هەمووئەوکوردستانیانەی کە ماڵ وحاڵی خۆیان بەش دەکەن لەگەل خەڵکی کوردستان داوی لێبوردن دەکەم کە لەم دەرفەتە بچکۆلانەدا ناتوانم ناوی هەموویان بهێنم
هەرێمی باشوری کوردستان ماڵیکی ئارام بۆ هەمووکوردستانیان
هەروەها خاتوو چیمەن نەقشبەندی هاتە سەر ئەوەی بڵێت هەرێمی باشوری کوردستان ماڵێکی ئارام وپڕلەهیوایە بۆ هەمووکوردستانیان بۆیە دەبێت بەدڵ وبەگیان هەموو پێشمەرگەی بین لە پاراستنی ولەوبارەیەوە گوتی ، لێرەدا دەڵێم وەکو ئافرەتێک کە شان بەشانی ئەوپێشمەرگانەی لەکوردستان ودەرەوەی وڵات لە پێش ڕیفڕاندۆم وپاش ، هەمووتوانایەکم لە پشت ئەوهەنگاوە گەورەیەی سەرکردەی کورد مەسعودبارزانی سەرۆکی کوردستان بوو بۆ هەڵتەکاندنی سنورە دەستکردەکانی کوردستان ، داواهەمووخوشکانم دەکەم لە باشووروباکوو روڕۆژهەڵات و ڕۆژئاواو دەروەی ووڵات لە تاراوگە بەهیوابن لە پشتی سەرۆکی کوردستان بن سەرۆک بارزانی بۆیە تەنها ئاواتێکە کە کورد بە لوتکە بگەیەنێت ، سەرکەوتنی کورد ودامەزراندنی دەوڵەتی کوردستان زۆر نزیکە لێرەوە وەک خزمەتکارێکی نەتەوەکەم سەری ڕیزونەوازش لە ئاستی هەمووشەهیدانی کوردستان دادەنەوێنم وپەیمان دەدەم کە بەگیان وماڵ وخوێن لەگەل سەربەخۆیی کوردستانم بم وپارێزگاری لەهەرێمی کوردستان بکەین کە ماڵێکی ئارام و پڕ لە هیوایە بۆ هەمووکوردستانیان بۆیە دەبێت بەدڵ وبەگیان هەموو پێشمەرگەی بین لە پاراستنی

جەنگ دژی تیرۆریستانی داعش ئەرکی هەموومان بوو
خاتوو چیمەن نەقشبەندی لە جەنگی پێشمەرگە دژبەتیرۆریستانی داعش تیشکی خستە سەر پێشمەرگەکانی پارتی ئازادیی وئەرکی سەرشانیان لە پارێزگاریکردنی ئەوماڵەی کە ناوی هەرێمی باشووری کوردستانەو پڕە لە ئومێدوهیوا بۆ هەموو کوردستانیان گوتی ، ، لێرەوە وەک ئافرەتێک خۆم بەقەرزاردەزانم کە خوشک وبراکانم لە ڕیزەکانی پاک کە نزیک بە چوار ساڵە لە شەڕی تیرۆریستی جیهانی داعش دان ، وە ئێستاش لە شەڕێکی تربەناوی حەشدی شەعبی دان کە زیاترلە 15 شەهیدوزیاتر لە 40 بریندارمان هەیە بۆ پاراستنی خاکی پیرۆزی کوردستان ، بۆیە لێرەدا نابێت خوێن وعارەقی ئەوژنە پێشمەرگانەی کە لەبەرگری خاکی پیرۆزی کوردستانن زەحمەتەکانیان لەبیرنەکرێت وئازایەتی وقارەمانیەتیان لە داستانەکاندا لە نێومێژووی هاوچەرخماندا ئاوێتەبن لە پێناو کوردستانێکی گەورەوئازاد وئەوەی کە ئێستا لەبەردەستدایە ئەوماڵەی کە ناوی هەرێمی باشووری کوردستانە لە ئەزموونێکی نموونەیی کە پڕە لە ئومێد بۆ هەموان دەبێت پارێزگاری لێ بکەین وبەبیلبیلەی چاوەکانمان بی پارێزین و خوێنی خۆمان پێشکەشی سەربڵندی بکەین کە ئاڵا پیرۆزەکەی کوردستان تیدابۆ هەمیشە شەکاوەبێت
ئافرەتی کورد نموونەیەکی جوانن لە تاراوگە
لە درێژەی قسەکانی خاتوو چیمەن نەقشبەندی باسی لە ئافرەتی کوردکرد ئاماژەی بۆ ئەوەکرد کە سەرەڕای قورسی ژیان لە تاراوگەو کەچی ئافرەتان نموونەیەکی جوانی خەبات وتێکۆشانن لەگەل هاوژینەکانیان بۆلەکۆڵنانی خەمی گەورەی کوردستان وگوتی ، جێگایی خۆشحاڵیە کە ئەمڕۆ زیاتر لە جاران لەنێو شۆڕشەکاندا کە ئافرەتان لە کاتێکدا دایک بوون و لەکاتێکی تریشدا پێشمەرگەوهاوسەنگەری هاوژینەکانیان بوون ودرێژە بەخەبات وتێکۆشان و قوربانی دان داوە ئەوەتا ئێستاش ئافرەتی کورد بۆتە سیمبوڵی خەبات وتێکۆشان و ڕوو بە ڕوو بوو نەوەی تیرۆریستان وداگیرکاران و چەندین پێشمەرگەی ئافرەت گیانی خۆیان کردە خەڵاتی کوردستان وبەردەوامیش پێشمەرگەن، بەهەمان شێوەش وێرای سەختی بژێوی ژیان و گوزەرانی تاراوگە ئافرەتان بەردەوام لە خەباتی مەدەنیانەی خۆیان بەردەوامن لە هەموو کۆڕو کۆبوونەوە وخۆپیشاندانەکان وڕۆڵی گرنگ دەبینن لە پرسەکانی نەتەوەیمان وباشترکردنی پرسی ئافرەتان کە پێکەوە ئافرەتی کورد بونەتە نموونەیەکی جوان لە تاراوگە ، بەشداری منیش وەک بەرپرسیارێتی پاک لەومەیدانەدا شان بەشانی هاوژینەکەم وهەڤاڵانمان ، سەرچاوەی ئەم هەستە نەتەوەییەم بۆمن وەکو ئافرەتێک لە قوتابخانەی کوردایەتی پاک واتە پارتی ئازادیی کوردستان فێربووم بۆیە دەڵێم قوتابخانەی پاک ئەو قوتابخانەیەکە سەرچاوەی لە هێزوتوانای نەبڕاوەی سەرکردە نەتەوەییەکان وەرگرتوە هەر لە پێشەوای شەهید وژەنڕاڵ مەلا مستەفا بارزانی وسمکۆی شکاک وشێخ سەعیدی پیران و شێخ ڕەزا وشێخ محمودی حەفید و چەندین تر

ڕیفراندۆم هیوایەکی گەورە وئومێدێکی نەبڕاو
خاتوو چیمەن نەقشبەندی بەچاوی پڕلەفرمێسک ودڵی پڕلەخەم باسی لە ڕیفراندۆم و هەوڵەکانیانی کرد وەک کوردستانیانی تاراوگەو بەهیوایەکی زۆرەوە پاڵپشتی خۆیان دەربڕی و سەرەڕای سڕکردنی ئەوان بێ ئومێد نابن لەوهەوڵەی سەرۆکی کوردستان کە بۆ کوردی دا لە هەنگاونان بۆ سەربەخۆیی وگوتی ، کاری ئێمەوکوردستانیان لە تارواگە بەگشتی بۆ سەرخستنی گشتپرسی بۆ ڕیفراندۆم وگەیشتن بەئامانجە پیرۆزەکەمان لە سەربەخۆیی کوردستان وبڕیاری بوێرانەی سەرکردایەتی سیاسی هەرێمی کوردستان لە دوای ئەو هەموو نائومێدیەیی کە لە عێراقمان بینی نامەوێت لێرەدا ئاماژەیان پێ بدەم چونکە زۆری لەسەر ووتراوە لە میدیاکانی کوردستان هەر لە پێشێلکردنی دەستورویاساکان وبڕین بوجەی هەرێمی کوردستان وبێ بەشکردنی پێشمەرگە لە هەموو بوارەکاندا وزۆر شتی تر کە گەلی کوردی بێ ئومێد کرد کە ئەوەش لەبەر چاوبووکە دوای کۆتایی هاتنی جەنگی تیرۆریستان هێزەکانی سوپایی عێراق بەهەرەشەکانیان هێرش بکەنەوە سەر کوردستان وبیانووبدۆزنەوە کە ڕیفراندۆم بووهێرش بکەن کە کردیان زۆر بەداخ وچاوی پڕفرمێسکم بۆ کوردستان وداگیرکردنەوەی بەشێکی برینداری کوردستان کە بەخوێنی هەزاران لە ڕۆڵەکانی کوردستان ئازادکرابوون جگە لەدەربەدەرکردنی خەڵکەکەی وسوتان وبردنی سەرمایەی ژیانیان وئاوارەکردنیان بۆ شارەکانی تری کوردستان خەمی لەدڵی هەموومان کۆکردەوە بەڵام هەر بێ ئومێدنابین وێرای سرکردنی ئەنجامەکانی ڕیفراندۆم بەڵام بەهیمەتی سەرۆکی کوردستان هەردەگەیەن بەئامانجە پیرۆزەکەمان ودەنگی نارەزایەتی خۆمان بەهمووجیهان دەگەیەنین کە لەچەند هەفتەی ڕابردوودا هەمووتان بینیتان کوردستانیان چەند بەڕۆحێکی کوردانەوە لە گردبوونەوەوخۆپیشاندانەکانی شارو ووڵاتەکاندابەشداربوون ئەوەشی لە پێش ئەنجامدانی ڕیفراندۆم کردمان لە دوای زنجیرە کۆبوونەوەیەکی دەستەی بڵندی ئامادەکاری بۆ فیستیڤاڵی کۆلن لە ووڵاتانی جیاجیایی ئەوروپا لە چەند مانگی ڕابردووی ئەم ساڵدا وبەمەبەستی کۆکردنەوەی کوردستانیان لە ڕۆژی 26 ی ئابی 2017 ، کە پارسالیش لە کۆتایی هاتنی تەمەنی 100 ساڵەی سایکس پیکۆ هەمان دەستەوگروپ لە شاری کۆڵن گردبوونەوەیەکی جەماوەری کوردستانیانی فراوانیان بۆ شەرمەزارکردنی ئەو پەیمان نامەیە سازکرد، بەهەمان شێوەش لەم کۆبوونەوانەشدا کە بۆ پرسی سەربەخۆیی کوردستان بوو زۆرلە دڵسۆزانی کوردانی تاراوگە لە هەمووچین و توێژەکان بەشداربوون و چەندین بیروڕای جیاوازوپێشنیاریان خستە بەردەستیان بۆ سەرخستی بیرۆکە و پرۆژەکەیان کە لەئاکامدا لەگەڵاڵەکردنی هەموویان توانیان بەرنامەیەکی ستراتیژیی بۆ هەموان دارێژن بەیەک ئاراستە لە کۆڵن لە هەمان کات وسات کۆبکاتەوە بە دامەزراندنی کۆمێتەی ووڵاتەکان وشارە گەورەکان وئاگادارکردنەوەی کوردانە لە ڕێگایی کۆڕوسیمناروچالاکی هونەری کە لە زۆربەی زۆری شارەکانی ئەڵمانیا بەئەنجام گەیەنران ، بەهەمان شێوەش هۆڵەندا یەکێک بوولەو وڵاتانە کە زۆر بەخێرایی توانی کۆمیتەیەک لە دەستەیەکی سەربەخۆی دڵسۆز بەکورد وکوردستان پێکبهێنری بەسەرپەرشتی خۆم وەک بەرپرس خاتوو چیمەن نەقشبەندی ودەستەی کۆمیتەکە بەڕیزان ئەفشار ئەقدەشی وساسان دەروێش وئەحمەد کوردی و بزاز نەبی وفەرهاد بۆسکان وگۆران محمود ونیهاد محمود و سەردار محمد شەریف کە لە دوای چەند گفتوگۆیەک وکۆبوونەوەیەک لە نێو کوردانی هۆڵەنداو ڕاگەیاندنی کۆمیەتی هۆڵەندا و دەست بەکاربوونی بۆ ئامادەکاری فیستیڤاڵی کۆڵن بۆ ڕیفڕاندۆم و سەربەخۆیی کوردستان ، لە نێو کوردستانیاندا بەڕۆحێکی بەرزیی نەتەوەیی و هەست کردن بەبەرپرسیارێتی بەرامبەر ئەم پرسە گەورەیی نەتەوەکەمان ، کۆمیتەکە شەو ڕۆژی پێکەوە گرێدا بۆ کۆکردنەوەی دەنگی کوردستانیان وبەشداربوونیان وهاندانیان بۆ پشتگیری کردن وکۆدەنگی بۆ ئەوفیستیڤاڵە لە شاری کۆڵن ولاتی ئەڵمانیا ئەنجام درا کە تیدا هەمووئەوروپاوجیهانی سەرسام کرد بە بەشداربوونی ئەو ڕێژە گەورەییەی کوردستانیان لە وولاتانی جیاواز ،
یەک ڕیزی وکۆدەنگی دەمانگەیەنێتە ئامانجەکانمان
لە کۆتایشدا خاتوو چیمەن نەقشبەندی زۆر بەئومێدێکی گەورەوە لە داهاتووی کوردستانی دەڕوانی وئەگەر کورد لەم بارودۆخەدا یەکگرتووکۆدەنگ بێت هەردەگەین بەئامانجە پیرۆزەکەمان کە سەربەخۆیی کوردستانەگوتی ، ئەوەی پێویستە بگوترێ ئەگەری ناکۆکی بیروبۆچونی جیاوازیشمان هەبێت بەڵام لەم بارودۆخەداکە کوردستانی پیاتێدەپەرێت یەکگرتوویەک دەنگ ویەک هەڵوێست بین ودەست لەناودەست بین وبەڕۆحێکی کوردپەروەرانە کێشەکانی نێوخۆمان بەگفتوگۆ چارەسەربکەین وهانگاوی یەک لاکەرەوەش لەگەل بەرامبەری کوردستان بدەین ، چونکە بمانەوێ ونەمانەوێت تازەکورد بەشێکە لە نیو هاوکێشەکانی گۆڕانکاریەکانی دنیاد دەبێت ئامادەکاری وئامادەباشیمان هەبێ بۆ هەر ڕووداوێک کە ڕووئەدات هیچ نەبێت ئەگەر سودی نەبێت بۆ کوردیش زیانی گەورەی نەبێت کە زۆر بەئومێدم کە کوردستان هەردەبێت بەخەونی شەهیدان وئامانجە پیرۆزەکەی لە سەربەخۆی کوردستان بگات

http://www.xebat.net/attachment/PDF/13_27416_36091.pdf

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

دەتوانی ئەو تاگ و خەسڵەتانە HTML بەکاربێنیت: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>