ڕووداوەکانی جیهان بە گشتیی، کوردستان، ئێران و ناوچەی رۆژهەلاتی نێوەڕاست بەتایبەتی، پێویستی هەنووکەیی بە یەکریزی و هاوکاری و هاوخەباتیی حیزب و ڕێکخراوەکانی ڕۆژهەڵاتی کوردستانی هەیە. دڵئاواێی، تولێڕانس و بیروهزری پڵوراڵ، لەکردەوەی هەر ڕێکخراو وتاکێک دا، دەتوانێ ئەو پێویستییە مێژووییە بخوڵقێنێ. بۆیە ئێمە بۆ پێکهێنانی یەکریزی و تێکۆشانی هاوبەش، وەک بەشێک لە حیزبەکانی بەرایی لە ئەمریکا و بەتایبەتی لە دەڤەری واشینگتۆن، بڕیارمان دا، چالاکی هاوبەش بەدژی کۆماری ئیسلامی ئێران ئەنجام بدین. هەروەها بۆ بەرفراوانی و هاوکاری ئامادەیی تەواومان هەیە، کە ئەو حیزب و ڕێکخراوانەی بەهەر هۆیەک بەشداری کۆبوونەکان نەبوون، لە داهاتوودا، هاودەنگ و یاریدەدەرمان بن.
ئەگەر لە کوردستان بەداخەوە، تا ئێستا نەتواندراوە، حیزب و ڕێکخراوەکانی خەباتگێڕ بە دژی داگیرکەران لە رۆژهەڵاتی کوردستان، هاوکارییەکی بەردەوام پێک بێنن؛ ئێمە لە ئەمریکا دوای دوو جار کۆبوونەوە و تاوتوێ و هەڵسەنگاندی بارودۆخەکە، “کۆمیتەی هاوکاری حیزب و رێکخراوەکانی رۆژهەلاتی کوردستان- ئەمریکا” ڕادەگەیەنیین. بەو ئومێدەی ئەو هەنگاوە ئەرێنییەی ئێمە، بتوانێ تا ڕادەیەک بەربەرین بێ، کە هەموو حیزب و ڕێکخراوە مەوجوودەکانی رٶژهەلاتی کوردستان لە ئەمریکا و تاراوگەش بگرێتەوە.
حیزبی دێموکراتی کوردستان- ئەمریکا
کۆمەڵەی زەحمەتکێشانی کوردستان- نوێنەرایەتیی ئەمریکا
پارتی ئازادیی کوردستان- نوێنەرایەتیی ئەمریکا
١٥ ی جولای ٢٠١٢، واشینگتۆن.
