ba pîlangêřî û gelekomey dagîrkeran be yekêtî neteweyî têkbşkênîn

roɫekanî netewey gewrey kurd!
kurdistanyanî wiɫatparêz!
ḧîzb û layene syasîye kurdistanîyekan!
dujimnanî kurd û kurdistan, dewɫete dagîrkerekanî fars û tirk û ‘ereb, carêkî dîke le pîlangêřîy û gelekomeyekda, başûrî nîştimanyan xistuwete ber pelamarî fiřoke û topxanekanyan. beẍda egerçî lerwaɫetda le ser pelamarekanî dwênêy tirkiya hate deng, beɫam le rastîyda, xoy beşêke lew gelekomeye.

dewɫetanî fars û tirk û ‘ereb ke hemîşe dij be kurd deçnewe ser xwanî xwênawîy hawbeşyan, herêmî kurdistan û kurdî başûryan kirdiwete amancî serekîy ew pîlangêřî û gelekomeye. ewan tenganew qeyranekanî herêmî kurdistan û reftarekanî beẍda le geɫ hewlêryan kirdiwete helî lebar bo ew pelamaranew qeyranxuɫqênî û qûɫkirdnewey kêşe henûkeyyekanî.
bedaxêkî zorewe, nakokîye syasîye nawxoyyekanî herêmî kurdistan û nakokîyekanî nêwan part û layene syasîye kurdistanîyekan û ew keşuhewa girjey pêkhênrawe, derfetî lebarî bo taran û enkara û beẍda, rexsanduwe ta pêkewe pîlan bihonnewe û be hawbeşî û hawdestîy, desdirêjîy bikene ser xak û xeɫkî başûrî kurdistan.
be serincdan bem barudoxew bo şikistdanî em pîlangêrîyaney taran û enkara û beẍda, partî azadîy kurdistan, em rêkaraney xwarewe dexate rû:
1- ḧîzb û layene syasîyekanî başûrî kurdistan, çi ewaney le ḧikûmetdan û çe ewaney opozîsyonin le hestiyarîy doxekew heřeşe û metirsîyekan bigen û desbecê hemû nakokîy û milmlanê syasîyekanyan be qazancî êsta û dahatûy kyane syasîyeke rabgrn.
2- sercem ḧîzb û layene syasîyekanî başûrî kurdistan, lanîkem heta rewînewey metirsîy û heřeşe derekîyekan, piştîwan û hawkarî serokayetî herêm û ḧikûmet û perlemanî kurdistan bin bo têpeř kirdinî em qonaẍey ke qeyranî korona, qeyranî abûrî, pîlangêřîye derekîyekan û pêwendîy le geɫ beẍda, barî ḧikûmet û hawuɫatyanî qurs kirdiwe.
3- ḧîzb û layene syasîyekanî parçekanî dîkey kurdistan paɫpişt û yarîdederî seqamgîrîy û derçûnî ḧikumet û xeɫkî başûrî nîştiman le qeyran û tengane bin.
4- roɫekanî netewekeman le bakûr û rojheɫat û rojaway kurdistan û derewey wiɫat, be xebat û têkoşanyan mekîney şeř û desdirêjîy dagîrkeran bo ser başûrî kurdistan pekbxen.
5- serokayetî herêmî kurdistan, le pênaw tebayî û yekřîzî û dûr xistinewey heřeşekanda, kobûneweyekî sercem part û hêze syasîyekanî çwarparçey kurdistan, rêkbxat.

partî azadîy kurdistanpak

27y cozerdanî 2720 k
16 y jû’enî 2020 z

Share Button

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *