بەڕێوەچونی کۆبونەوەی ئاسایی ئەندامانی PAK لە هۆلەند

کاتژمێر13:30ی رۆژی شەممە 1ی خەزەڵوەری ساڵی2721ی کوردی بەرامبەر بە 23ی ئۆکتۆبەری ساڵی 2021ی زایینی لەشاری رۆتێردام له وڵاتی هۆلەند بە ئاماده بونی بەشێک لە ئەندامانی کۆمیتەی رێکخستنی هۆلەندی پاڕتی ئازادیی کوردستانPAK بەڕێوە چو .

سەرەتا خاتو شەرمین زیبایی بەخێرهاتنی ئەندامانی کۆمیتەی کرد و کۆبونەوە بە ساتێک بێدەنگی بۆ گیانی پاکی شەهیدی سەرکردە “سەعید یەزدانپەنا” و سەرجەم شەهیدانی کوردستانی گەورە و لێدانی سرودی نەتەوەیی ئەی رەقیب دەستی پێکرد.
دواتر خاتو چیمەن نەقشبەندی بەرپرسی کۆمیتەی ڕیکخستنی هۆلەند، وێڕای سپاس بۆ خاتو شەرمین زیبایی و بەخێرهاتنی هەڤاڵانی کرد و له سەرخاڵه پێشنیارکراوەکان ئاماژەی بە چالاکییەکانی ساڵی پێشوو و بەرنامە و چالاکییەکانی داهاتوی کۆمیتەی کرد،
دواتر هەڤاڵ ئەفشار ئەقدەسی ئەندامی کۆمیتەی ناوەندی و بەرپرسی نوێنەرایەتی ئوروپای PAK، لە لای خۆیەوە لە سەر خاڵەکانی کۆبونەوە لێدوانی پێشکەش کرد هەروەها لەم کۆبونەوەیه دا هەڤاڵ ئەفشار ئەقدەسی ئاماژەی به چەند گۆڕانکارییەک له ناو کۆمیتەکه دا خسته رو ، هەروەها باسێکی تێروتەسەلی له سەر خاڵەکانی مانیفێستی ئازادیی کوردستان پێشکەش به هەڤاڵانی ناو کۆبونەوه کرد. هەروەها جێگای ئاماژەیه که لەم کۆبونەوەیه دا له‌ لایەن خاتو چیمەن نەقشبەندی بەرپرسی کۆمیتەی رێکخستنی پاک له هۆلەند لە کۆبوونەوەکە و بە تێکڕای دەنگی هەڤاڵان خاتو شەرمین زیبایی وەکو بەرپرسی کاروباری ژنان لە هۆلەند دەست نیشان کرا . دواتر هەڤاڵانی ناو کۆبونەوه رەخنە و پێشنیارەکانی خۆیان بۆ باشتر بەڕێوە بردنی چالاکییەکانی ئەو پاڕتە لە هۆڵەند خستە ڕوو و باسی لەسەر کرا و ئامادەبوان تێبینییەکانی خۆیان لە سەرکێشە پەیوەندیدارەکان بە کورد بە گشتی و ڕۆژهەڵاتی کوردستان بە تایبەتی خستە ڕوو ،
پاش چەند کاتژمێرێک کۆبونەوەکه به سەرکەوتویی کۆتایی پێهات.
سەرچاوەی هەواڵ راگه‌یاندن
کومیتەی ڕێکخستنی هۆڵه‌ندی
پارتی ئازادیی کوردستان PAK
2ی خەزەڵوەری ساڵی 2721کوردی
24ی ئۆکتۆبەری ساڵی 2021 زایینی
Kurdistan Freedom Party
Holland Committee
nl_pak@yahoo.com
nl.pak1@gmail.com
Mobil:0031620074245
?https://t.me/PAKeurope
www.pak-eu.com?
https://www.instagram.com/pak_europ/?hl=nl
https://www.facebook.com/pakeucom/?ref=bookmarks

Share Button

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *