پێشوازی نوێنەرایەتی سلێمانی پارتی ئازادیی کوردستان « پاک » لە نوێنەرایەتی سلێمانی حزبی دێموکراتی کوردستان « حدک »

رۆژی شەممە ڕێکەوتی 4ی گوڵانی 2721 کوردی برامبەر بە 24ی ئاپریلی2021، شاندێکی حزبی دێموکراتی کوردستان کە پێکهاتبوون لە بەڕێزان سۆران نووری بەرپرسی پەیوەندییەکان سلێمانی و مەنوچێر شاکر کادری پەیوەندییەکان و کەماڵ بەحری بەرپرسی کومیتەی سلێمانی ، سەردانی بارەگای پەیوەندییەکانی پارتی ئازادیی کوردستانیان لە سلێمانی کرد و لە لایەن هەڤاڵان جوانشێر ڕەفعەتی و زانا نیکدڵ بە گەرمی پێشوازی کرا.

لەم دیدارەدا وێڕای لێکدانەوەی دۆخی سیاسی و سەربازی و ئەمنی ناوچەکە بە گشتی و رۆژهەڵاتی کوردستان بە تایبەتی ، ئەگەر و پێشهات و دەرفەت و مەترسیەکانی کورد لە رۆژهەڵاتی کوردستان لەم قۆناغە هەستیارەدا کە ناوچەکە پێیدا تێپەڕ دەبێ، باسی لەسەر کرا. لە کۆتای دانیشتنەکەدا جەخت کرایەوە لە بەهێزکردنی پەیوەندییەکانی نێوان پارت و لایەنە سیاسییەکان و بەردەوامی دان بە هەنگاوەکانی هاوکاری و یەکگرتوویی نێوان هێز و لایەنە سیاسیەکانی رۆژهەڵاتی کوردستان.
پارتی ئازادیی کوردستان
نوێنەرایەتی سلێمانی
4ی گوڵانی 2721 کوردی
24ی ئاپریلی 2021 زایینی
Share Button

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *